Latviya çempionatında bu mövsümün qalibi müəyyənləşib.
Milli.Az goal.az-a istinadən xəbər verir ki, "Riga" mövsümün başa çatmasına iki tur qalmış qızıl medalları təmin edib.
Buna liderin əsas izləyicisi RFS-in səfərdə "Liepaya"ya 0:1 hesablı məğlubiyyəti də şərait yaradıb. 25 oyuna 69 xal toplayan "Riga" son iki turda uduzsa belə, mövsümü lider kimi başa vuracaq. Çünki ikinci pillədə qərarlaşan RFS-in hazırda 60 xalı var.
Qeyd edək ki, bu, "Riga"nın həm bütövlükdə, həm də ardıcıl üçüncü çempionluğudur. 2014-cü ildə yaradılmış bu klub 2018 və 2019-cu illər mövsümünün də qalibi olub.
Milli.Az