İdman

"Real"dan inamlı qələbə - El-Klasiko-da

25 Oktyabr 2020 01:30
Baxış: 1 209

İspaniya La Liqasında VII turu "El-Klasiko" ilə əlamətdar olub.

Milli.Az apasport.az-a istinadən bildirir ki, "Barselona" və "Real" arasında qarşılaşma Barselona şəhərində keçirilib.

İspaniyanın iki ən titullu klubunun qarşılaşması erkən qollarla başlayıb. Öncə madridlilər Federiko Valverdenin qolu ilə hesabı açıb. Ardınca meydan sahibləri fərqlənib. Ansu Fati "El-Klasiko"da qol vuran ən gənc oyunçu adını qazanıb.
 
İkinci hissədə penalti zərbəsini dəqiq yerinə yetirən Serxio Ramos paytaxt təmsilçisini yenidən hesabda önə çıxarıb. Qarşılaşmanın son dəqiqəsində isə Luka Modriç fərqi iki topa çatdırıb.
 
Qeyd edək ki, 6 oyunda 13 xal toplayan "Real" 1-ci pilləyə yüksəlib. 5 görüşdən sonra 7 xala malik "Barselona" 10-cudur.
 
İspaniya La Liqası
VII tur
24 oktyabr
"Barselona" - "Real" - 1:3
Fati, 5 - Valverde, 8, Ramos,, 63 (pen.), Modriç, 90

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.