İdman

"Bu, hələ birinci hissədir" - Qvardiola

27 Fevral 2020 13:34
0 Şərh     Baxış: 948

Biz qələbə qazanmaq üçün gəlmişdik və bunu bacardıq. Ancaq bu hələ birinci hissədir. Bu cür çətin vəziyyətdən çıxa biləcək klub "Real"dır. Qolu rəqib daha yaxşı oynayanda vurduq. Futbolda belə şeylər olur.

Milli.Az qol.az-a istinadən xəbər verir ki, bu sözləri "Mançester Siti"nin baş məşqçisi Pep Qvardiola Çempionlar Liqasının 1/8 finalında "Real"a səfərdə 2:1 hesabı ilə qalib gəldikləri ilk oyundan sonra deyib.

O, qələbə qazandıqları üçün qürur hissi keçirdiyini söyləyib: "Bir neçə mövsüm əvvəl 1/4 final mərhələsində "Liverpul"la "Enfild"dəki matçı xatırlayıram. İnanılmaz möhtəşəm oynasaq da, rəqibin qapıya vurduğu bütün zərbələr qol olurdu. Qələbə qazandığımız üçün çox qürur hissi keçirirəm. Ancaq biz hələ ilk addımı atmışıq. Hələ heç nə bitməyib. İndi bu andan həzz ala bilərik. Bazar günü Liqa Kubokunun finalını gözləyirik. Premyer Liqada oynamağa davam edəcəyik.  Daha sonra isə "Real"la cavab matçına hazırlaşacağıq".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.