"Mançester Yunayted"dən ayrılan Antonio Valensiyanın yeni klubu bəlli olub.
Milli.Az qol.az-a istinadən xəbər verir ki, ekvadorlu müdafiəçi karyerasını ölkəsində davam etdirəcək. 33 yaşlı futbolçu elita təmsilçisi "LDU Kito" ilə müqavilə bağlayıb. Klubun saytı təcrübəli oyunçu ilə 2 illik müqavilə imzalandığını açıqlayıb.
Qeyd edək ki, Valensiya 2005-ci ildə ölkəsinin "El Nasional" klubundan İspaniya La Liqa təmsilçisi "Vilyarreal"a keçmişdi. O, "Rekreativo" və "Uiqan" klublarında da çıxış edib. Ekvador millisinin üzvü 2009-2019-cu illərdə "Mançester Yunayted"də oynayıb.
Milli.Az