İdman

"Şaxtyor"un oyunçusu "Bakı"da

29 Yanvar 2011 21:54
Baxış: 160
VTB-də minimal faiz dərəcəsi ilə nağd kredit 9.9%-dən
#AZERBAİJAN
Azerisport.az xəbər verir ki, baş məşqçi Aleksandr Starkov ukraynalı Ruslan Leviqanı sınayır.
 
Artıq komandanın Antalyadakı düşərgəsinə qoşulan futbolçu axşam məşqində iştirak edəcək. Qeyd edək ki, Ruslan Leviqa 31 yanvar 1983-cü ilə Ukraynda dünyaya gəlib. Donetsk "Şaxtyor"unun yetirməsi olan futbolçu 2002-ci ildə komandanın əsas heyətinə cəlb olunub və 2008-ci ilə qədər müqavilə ilə bu kluba məxsus olsa da, əsas heyətə düşə bilməyib.
 
O, 2003-cü ildə "Metallurq" (Donets, Ukrayna), 2004-də "Sokol" (Rusiya, 10 oyun), 2004-2005-də "Borisfen" (Ukrayna,  11 oyun, 3 qol), 2005-2006-da "İlliçevets" (Ukrayna, 33 oyun, 5 qol), 2006-2008-də isə "Vorskla" (Ukrayna, 15 oyun) klublarına icarəyə verilib. 2008-ci ildə "Çernomorets"ə (Odessa) transfer olunan Ruslan 2010-a qədər 26 oyunda 6 qol vurub. 2010-cu ildə Qazaxıstanın "Tobol" klubunda çıxış edən futbolçu (11 oyun, 2 qol) ölkə çempionu olub.
 
Leviqa 2 dəfə Ukrayna U-21-nin formasını geyinib və 1 qola imza atıb.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.