İdman

"Real"ın rəqibi müəyyənləşdi

18 Dekabr 2014 10:38

0 Şərh Baxış: 1 020

VTB-də minimal faiz dərəcəsi ilə nağd kredit 9.9%-dən

#İDMAN #ARGENTİNA

Mərakeşdə keçirilən klublararası dünya çempionatında növbəti oyunlar baş tutub.

Milli.Az apasport.az-a istinadən xəbər verir ki, ikinci yarımfinal matçında Argentina təmsilçisi "San-Lorenso" ilə Yeni Zelandiyanın "Oklend" klubu görüşüb.

Cənubi Amerikanın ən güclüsü ada təmsilçisini yalnız əlavə vaxtda məğlub edə bilib - 2:1. Bununla da "San-Lorenso" yarışın ikinci finalçısı olub.

Argentinalılar dekabrın 20-də baş tutacaq həlledici görüşdə İspaniya "Real"ı ilə görüşəcəklər. Həmin gün keçiriləcək 3-cü yer uğrunda oyunda isə "Oklend" Meksikanın "Kruz Asul" klubu ilə üz-üzə gələcək.

Qeyd edək ki, 5-ci yerin taleyinə də aydınlıq gəlib. Asiya və Afrika Çempionlar Liqasının qaliblərinin oyununda "Setif" qalib gəlib.

Klublararası dünya çempionatı

17 dekabr

Yarımfinal

"San-Lorenso" (Argentina) - "Oklend" (Yeni Zelandiya) - 2:1 (əlavə vaxtda)

Barrientos, 45+2, Matos, 93 - Berianda, 67

5-ci yer uğrunda oyun

"Setif" (Əlcəzair) - "Sidney Uonderers" (Avstraliya) - 2:2, pen. 5:4

Mullen, 50, Ziava, 57 - Kastelen, 5, Saba, 89

Milli.Az