İdman

Müller və komanda yoldaşları atışıb Portuqaliya klubunu aldılar

26 Avqust 2026 10:45

Baxış: 1 405

VTB-də minimal faiz dərəcəsi ilə nağd kredit 9.9%-dən

#MARAQLI #BAVARİYA #PORTUGAL #FUTBOL

Bir vaxtlar "Bavariya"da birlikdə çıxış etmiş Tomas Müller, Yann Zommer, Mats Hummels və Lukas Ernandes yeni addımları ilə diqqət çəkiblər.

Milli.Az xarici mətbuata istinadən xəbər verir ki, futbolçuların daxil olduğu investisiya konsorsiumu Portuqaliyanın "Eştrela Amadora" klubunun səhmlərinin 90 faizini alıb. Sövdələşmənin dəyərinin təxminən 40 milyon avro olduğu bildirilir.

Məlumata görə, Tomas Müller, Yann Zommer, Mats Hummels və Lukas Ernandes klubun idarə olunmasında birbaşa iştirak etməyi nəzərdə tutmurlar.

Konsorsiumun prezidenti vəzifəsinə isə uzun illər "Bavariya"da futbolçularla iş sahəsində çalışmış Yohannes Mosmanq təyin edilib.

Qeyd edək ki, "Eştrela Amadora"nın əvvəlki sahibi Paulo Lopu klubu 2020-ci ildə 71 min avroya satın alıb. Komanda 2023-cü ildən Portuqaliya çempionatının yüksək liqasında mübarizə aparır.

Müəllif: Tural Hüseyn (Milli.Az redaktor)