İdman

DÇ-2026: İspaniya və Portuqaliya 1/8 finalda

3 İyul 2026 08:50

Baxış: 1 656

VTB-də minimal faiz dərəcəsi ilə nağd kredit 9.9%-dən

#SPAİN #PORTUGAL #FUTBOL #FİFA

ABŞ, Kanada və Meksikanın birgə ev sahibliyi etdiyi futbol üzrə dünya çempionatında 1/16 final mərhələsinin daha iki oyunu başa çatıb və 1/8 finalın daha iki iştirakçısı müəyyənləşib.

Milli.Az xəbər verir ki, turnirin favoritlərindən sayılan İspaniya millisi ABŞ-nin Los-Anceles şəhərində yerləşən "Sou-Fay" stadionunda Avstriya yığması ilə üz-üzə gəlib. Qarşılaşma ispanların 3:0 hesablı inamlı qələbəsi ilə yekunlaşıb. Komandanın heyətində Mikel Oyarsabal 36 və 89-cu dəqiqələrdə dubla imza atıb. Digər qolu isə 66-cı dəqiqədə Pedro Porro vurub.

Günün digər matçında isə Portuqaliya millisi Xorvatiya ilə qarşılaşıb. Oyunda hesabı 53-cü dəqiqədə İvan Perişiç açsa da, portuqaliyalılar geri dönüş etməyi bacarıblar. Komandanın kapitanı Kriştianu Ronaldu 68-ci dəqiqədə penaltidən fərqlənərək hesabı bərabərləşdirib. Qələbə topunu isə əlavə olunmuş vaxtın dördüncü dəqiqəsində Qonsalu Ramuş vuraraq Portuqaliyaya 2:1 hesablı qələbə qazandırıb.

Beləliklə, həm İspaniya, həm də Portuqaliya 1/8 final mərhələsinə yüksəlib. Növbəti raundda futbolsevərləri maraqlı qarşılaşma gözləyir. Belə ki, İspaniya və Portuqaliya milliləri 1/4 finala vəsiqə uğrunda üz-üzə gələcəklər.

Qeyd edək ki, bundan əvvəl Kanada, Braziliya, Paraqvay, Mərakeş, Norveç, Fransa, Meksika, İngiltərə, Belçika və ABŞ yığmaları da 1/8 finala yüksəlmişdilər.

Müəllif: Tural Hüseyn (Milli.Az redaktor)