İdman

Mourinyo "Qalatasaray"ın hədəfindəki ulduzu razı saldı

12 İyun 2026 21:19
Baxış: 4 220
VTB-də minimal faiz dərəcəsi ilə nağd kredit 9.9%-dən
#REAL MADRİD

"Mançester Siti"dən ayrılan portuqaliyalı ulduz Bernardo Silva "Real Madrid"lə razılıq əldə edib. "Qalatasaray"ın da transfer siyahısında olan Bernardo Silvanı baş məşqçi Joze Mourinyonun 36 saat ərzində razı saldığı bildirilir.

Milli.Az xəbər verir ki, "Mançester Siti" ilə yollarını ayıran və adı tez-tez "Qalatasaray"la da hallanan portuqaliyalı ulduz Bernardo Silvanın növbəti dayanacağı İspaniya olacaq.

İnsayder Fabrisio Romanonun paylaşdığı məlumata görə, Bernardo Silva İspaniya nəhəngi "Real Madrid"lə qəti olaraq razılığa gəlib.

İllər sonra yenidən "Real Madrid"in sükanı arxasına keçən Joze Mourinyonun 36 saat ərzində böyük bir gizliliklə apardığı transfer danışıqları futbolçunun razılığı ilə müsbət yekunlaşıb. Keçirilən görüşlərin nəticəsində tərəflər 2 illik rəsmi müqavilə və əlavə olaraq 1 illik uzatma opsiyası maddəsi üzərində razılığa gəliblər.

"Mançester Siti" forması ilə uğurlu bir dövrü geridə qoyan 31 yaşlı Bernardo Silva ötən mövsüm İngiltərə təmsilçisi ilə 53 rəsmi qarşılaşmada meydana çıxıb. Stabil performansı ilə diqqət çəkən portuqaliyalı ulduz bu oyunlarda komandasına 3 qol və 5 məhsuldar ötürmə ilə töhfə verib.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.