İdman

"Ronaldo kiçik" Türkiyəyə qol vurdu

31 Oktyabr 2025 09:50
Baxış: 1 758
VTB-də minimal faiz dərəcəsi ilə nağd kredit 9.9%-dən
#TÜRKİYƏ #KRİŞTİANU RONALDU #PORTUGAL #FUTBOL

Portuqaliyanın əfsanəvi futbolçusu Kriştiano Ronaldonun oğlu - Kriştiano Ronaldo kiçik milli səviyyədə ilk oyununa çıxıb.

Milli.Az Türkiyə mətbuatına istinadən xəbər verir ki, 15 yaşlı futbolçu Antalyada keçirilən Federasiyalar Kubokunda Portuqaliyanın U16 millisinin heyətində Türkiyəyə qarşı meydana çıxıb. Görüş portuqaliyalıların 2:0 hesablı üstünlüyü ilə davam edərkən, Ronaldo kiçik 90-cı dəqiqədə oyuna daxil olub və cəmi iki dəqiqə sonra - 90+2-də komandasının üçüncü qolunu vurub.

Portuqaliya mətbuatında "Cristianinho" adı ilə tanınan gənc hücumçu daha əvvəl də U15 yığmasında fərqlənmişdi. O, bu ilin mayında keçirilən Vlatko Markoviç Turnirinin finalında Xorvatiyaya qarşı iki qol vuraraq diqqət mərkəzinə düşmüşdü.

Hazırda Ronaldo kiçik atasının formasını geyindiyi "Al Nassr" klubunun gənclər komandasında çıxış edir. Bundan öncə isə o, "Mançester Yunayted" və "Yuventus" akademiyalarında təcrübə toplayaraq elit futbol mühitində inkişaf edib.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.