İdman

"Bavariya"dan futbol dünyasını şoka salan QƏRAR: milyonlar vermişdi

25 Aprel 2025 09:09

Baxış: 4 300

VTB-də minimal faiz dərəcəsi ilə nağd kredit 9.9%-dən

#BAVARİYA #TRANSFERLƏR #FUTBOL #BUNDESLİQA

Almaniya Bundesliqasında çempionluğa doğru irəliləyən "Münhen Bavariyası"nda ciddi bir problem gündəmə gəlib.

Milli.Az Türkiyə mətbuatına istinadən xəbər verir ki, ölkənin nüfuzlu nəşri BILD-in məlumatına görə, klub Saşa Boye ilə bağlı gözlənilməz qərar verib.

Xatırladaq ki, ötən mövsüm "Bayer Leverkuzen"in çempionluq sevincini izləyən "Bayern" bu dəfə işi şansa buraxmaq istəmir. Vinsent Kompaninin yetirmələri bundesliqada sona dörd tur qalmış "Leverkuzen"in səkkiz xal önündə yer alırlar.

Aprelin 26-da keçiriləcək 31-ci tur matçında "Bavariya"öz meydanında "MAYNTS" komandasını qəbul edəcək. Bu oyunu qazansalar, çempionluğa bir addım da yaxınlaşacaqlar.

Lakin komandanın düşərgəsində Saşa Boye problemi davam edir. 2024-cü ilin qış transfer pəncərəsində "Qalatasaray"dan transfer olunan fransalı sağ cinah müdafiəçisi gözləntiləri doğrultmayıb. Klub rəhbərliyi onun çıxışından razı deyil.

Fransalı futbolçunun performansına ardıcıl yaşadığı zədələr ciddi təsir edib. Almaniyaya gəldikdən sonra 5 dəfə zədələnən oyunçu ümumilikdə 32 oyunu buraxıb və öz bacarığını tam göstərə bilməyib.

O, bu mövsüm "Bayern" formasında bütün turnirlərdə cəmi 14 oyuna çıxıb, 585 dəqiqə meydanda olub və 2 qol ötürməsi verib. Futbolçunun klubla müqaviləsi 2028-ci ilə qədər davam edəcək. Hazırkı bazar dəyəri isə 18 milyon avrodur.

Qəzetin məlumatına görə, klub fransalı müdafiəçini 18 milyon avro qarşılığında satışa çıxaracaq. Bu məbləğ onun transferi üçün ödənilən məbləğlə eyni olduğu üçün Bayern Münhen bu transferdən zərər etmiş olacaq.

Bu xəbərin yayılmasından sonra isə gözlər dərhal "Qalatasaray"a çevrilib. İstanbul təmsilçisinin keçmiş oyunçusu ilə maraqlanıb-maraqlanmayacağı futbol ictimaiyyəti tərəfindən diqqətlə izlənilir.

Tural
Milli.Az