İdman

Kloze: "Biz Mahirdə açıq-aydın..."

2 Mart 2025 17:53
Baxış: 1 520
VTB-də minimal faiz dərəcəsi ilə nağd kredit 9.9%-dən
#FUTBOL #BUNDESLİQA

Almaniyanın "Nürnberq" klubunun baş məşqçisi Miroslav Kloze futbolçusu Mahir Emreli ilə bağlı danışıb. 

Milli.Az qafqazinfo-ya istinadən xəbər verir ki,  Azərbaycan millisinin üzvü iki oyundan sonra klubun iştirak ərizəsinə daxil edilib. O, ötən gün 2-ci Bundesliqanın 24-cü turunda "Hannover"lə görüşün (1:2)  77-ci dəqiqəsində meydana çıxıb.

Kloze "Bild"ə açıqlamasında Mahirlə probleminin olmadığını bildirib: "Onsuz da Mahirə qarşı kin saxlamırdım. Onunla yenidən danışdıq. Mahir bununla bağlı bəyanat da yaydı. Mən bunu çox müsbət hesab edirəm. Mahir hər şeyi düşünüb və yenidən əsas heyətə daxil olmaq istəyir. Bu, son bir neçə gündəki məşqdə də özünü büruzə verdi. Biz onda açıq-aydın inkişaf gördük".

Xatırladaq ki, Mahir Emreli bundan əvvəlki 2 çempionat matçında iştirak ərizəsində yer almayıb. Almaniya mediası bunu onun Cənubi Koreyanın "Seul" klubuna keçmək istəyi ilə əlaqələndirmişdi. Emreli özü isə 3 gün əvvəl "Nürnberq"də qalacağını açıqlayıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.