İdman

"PSJ-də xoşbəxt deyildim"

1 Mart 2025 15:26

Baxış: 349

#DÜNYADA #MARAQLI #İDMAN #FUTBOL

Səkkiz dəfə "Qızıl top" mükafatını qazanan Lionel Messi Paris Saint-Germain-də keçirdiyi iki il ərzində "gündəlik olaraq xoşbəxt olmadığını" bildirib.

Milli.Az xarici mediaya istinadla xəbər verir ki, məşhur futbolçu müsahibəsində PSJ-də uyğunlaşmaqda çətinlik çəkdiyini etiraf edib. "Gündəlik olaraq nə məşqlərdən, nə də matçlardan məmnun idim. Parisdəki iki ilimdən zövq almadım", - deyə Messi bildirib.

Argentinalı ulduz 2021-ci ildə PSJ-yə qoşulub və 2023-cü ildə Fransa klubundan ayrılaraq MLS-də "İnter Mayami"yə keçib. Paris klubunda 75 matçda 32 qol vuran Messi "Barselona"dakı 778 oyun və 672 qolla müqayisədə daha az məhsuldar olub.

Messi MLS-də yeni çağırışlarla üzləşdiyini və "İnter Mayami"nin inkişaf etməkdə olan bir klub olduğunu vurğulayıb:

"Bura gəlmək bir fürsət idi. Klub hələ çox yenidir və böyüməyə davam edir".

Fidan
Milli.Az