İdman

Balotelli yenidən klub dəyişməyə hazırlaşır

4 Fevral 2025 11:30

Baxış: 1 160

VTB-də minimal faiz dərəcəsi ilə nağd kredit 9.9%-dən

#İDMAN #FUTBOL #İTALİYA

İtaliyanın "Cenoa" klubunun 34 yaşlı hücumçusu Mario Balotelli karyerasını A Seriyasının digər təmsilçisi "Venesiya"da davam etdirə bilər.

Milli.Az xəbər verir ki, "Cenoa"nın idman direktoru Marko Ottolini Balotellinin komandadan ayrılmağa yaxın olduğunu bildirib. Futbolçunun özü də oyun vaxtının azlığından narazı olduğunu dilə gətirib.

Xatırladaq ki, Balotelli oktyabrın sonunda "Cenoa"ya azad agent kimi qoşulub. Lakin bu müddətdə o, A Seriyasında cəmi 6 matçda meydanda olub və ümumilikdə 56 dəqiqə oynasa da, qol vura bilməyib.

Qeyd edək ki, hazırda "Venesiya" İtaliya çempionatının turnir cədvəlində 19-cu pillədə qərarlaşıb və 23 oyundan sonra aktivində 16 xal var.

Milli.Az