İdman

"Real Madrid" "Barselona"ya nəyə görə uduzdu? - Ançelotti detalları açıqladı

13 Yanvar 2025 10:46

Baxış: 6 608

VTB-də minimal faiz dərəcəsi ilə nağd kredit 9.9%-dən

#İDMAN #BARSELONA #REAL MADRİD #FUTBOL

"Real Madrid"in baş məşqçisi Karlo Ançelotti İspaniya Superkubokunun finalında 2:5 hesabı ilə "Barselona"ya məğlubiyyətin səbəblərini açıqlayıb.

Milli.Az xarici mediaya istinadla xəbər verir ki, Ançelotti "Marca" nəşrinə verdiyi açıqlamada komandasının zəif çıxışını belə izah edib:

"Real Madrid heç oynamadı, planlaşdırılan oyun meydanda baş tutmadı. Zəif müdafiə olunduq və bu, matçın əsas problemi oldu. Barselona çox asanlıqla qol vurdu və biz həm yüksək pressinqdə, həm də dərin müdafiədə zəif oynadıq. Fasilə zamanı futbolçulara dedim ki, futbol oynamağa çalışmalıyıq, çünki birinci hissədə heç oynamadıq. Sadəcə uzun toplar oynayırdıq, amma bu bizim taktika deyildi. Fikir futbol oynamaq idi, amma bunu etmədik. Matçları uduzmaq olar, amma birinci hissədəki kimi yox," - deyə o, vurğulayıb.

Qeyd edək ki, "Barselona" İspaniya Superkubokunda ən çox mükafat qazanan klubdur. "Real Madrid" isə 13 dəfə bu mükafatı qazanıb və ikinci yerdədir.

Fidan
Milli.Az