PUL
"Real Madrid"in fanatları məşhur aktrisa və müğənni Olivia Rodriqonun sosial şəbəkələrdəki səhifəsində çoxlu alçaldıcı şərhlər yazıblar.
Milli.Az lent.az-a istinadən bildirir ki, fanatlar onun "Mançester Siti"nin yarımmüdafiəçisi, "Qızıl top"un qalibi Rodrinin (tam adı Hernandez Rodriqo) olduğunu düşünüblər.
Qeyd edək ki, futbolçunun sosial şəbəkələrdə hesabı yoxdur, ona görə də Vinisiusun fanatları Rodriqo soyadlı ən populyar istifadəçilərin səhifələrindəki şərhlərdə təhqirlər yazıblar. "Atletiko Madrid"in futbolçuları Rodriqo De Paul və Rodriqo Rikelme də azarkeşlərin hədəfində olub.
Xatırladaq ki, Rodri 2008-ci ildən İngiltərə Premyer Liqa klubundan "Qızıl top"u alan ilk futbolçu, həmçinin "Mançester Siti"nin tarixində bu kubokun ilk qalibi olub. Səsvermədə ikinci yeri "Real Madrid"in braziliyalı vingeri Vinisius Junior tutub.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
