İdman

Yerdən Azərbaycan bayrağı tapan "Liverpul" azarkeşinin sözləri DİQQƏT ÇƏKDİ - VİDEO

3 Fevral 2026 12:45

Baxış: 4 277

VTB-də minimal faiz dərəcəsi ilə nağd kredit 9.9%-dən

#VİDEO #AZƏRBAYCAN FUTBOLU #ÇEMPİONLAR LİQASI #FUTBOL #BAYRAQ #PREMYER LİQA #LİVERPUL

Çempionlar Liqası çərçivəsində keçirilən "Liverpul" - "Qarabağ" oyunu zamanı maraqlı və duyğulandıran hadisə yaşanıb.

Milli.Az xəbər verir ki, matçı izləməyə gələn "Liverpul" azarkeşlərindən biri yerdə Azərbaycan bayrağı tapıb. Həmin anlar və azarkeşin söylədikləri sosial şəbəkələrdə sürətlə yayılaraq gündəmə çevrilib.

Azarkeş bildirib ki, bayrağı yerdə gördükdə dərhal götürüb:

"Bayrağı yerdən tapanda düşündüm ki, bu, gözəl Azərbaycan xalqınındır. Bayraq heç vaxt yerdə qalmamalıdır. Bilirəm, səhv tərəfdən tutmuşam, amma niyyətim onu qorumaq idi. Fikirləşdim ki, bunu saxlayım, evə aparım. Azərbaycan bayrağı dalğalansın".

Onun bu davranışı və söylədikləri futbol azarkeşləri və sosial media istifadəçiləri tərəfindən maraq və rəğbətlə qarşılanıb. Hadisə geniş müzakirələrə səbəb olub, bir çoxları azarkeşin Azərbaycan bayrağına göstərdiyi hörməti yüksək qiymətləndiriblər.

Hüseyn
Milli.Az