Hakimlər Şamaxıdan nə isəyir?! - ARAŞDIRMA - VİDEO

Azərbaycan Premyer Liqasının son turlarında Şamaxı futbol klubuna qarşı hakim ədalətsizliklər azarkeşlərdə ciddi suallar yaradıb.

Milli.Az xəbər verir ki,  Premyer Liqanın 11-ci turunda  "Qarabağ" - "Şamaxı" matçında hakimlərin qalmaqallı qərarları tura damğa vurub.

Matçın 49-cu dəqiqəsində matçın baş hakimi Cavid Cəlilov qonaqların qapısına penalti təyin edib. 

O, şamaxılıların müdafiəçisi Adil Nağıyevin Aleksey Kaşuka qarşı kobud oynadığını bildirərək 11 metrlik nöqtəni göstərib. Lakin epizodun təkrarında hakimin şübhəli qərar verdiyi görünür. 

Həmin görüntünü təqdim edirik:

Oyun gedişi zamanı baş hakim Cavid Cəlilov zədələnir, onu dördüncü hakim Nicat İsmayıllı əvəz edir

Daha sonra matçın 87-ci dəqiqəsində rəqib "Qarabağ"ın futbolçusu Aleksey İsayevin "Şamaxı"nın futbolçusuna qarşı açıq ayaqla müdaxilə etməsi potensial qırmızı vərəqə sayılsa da, əvəedici hakim Nicat İsmayıllı sarı kart verməklə kifayətlənib.

Həmin görüntünü təqdim edirik:

10-cu tur çərçivəsində keçirilən "Şamaxı" - "Araz Naxçıvan" matçı da hakimlərin səhv qərarları ilə yadda qalıb. Belə ki, oyunun 90+4-cü dəqiqəsində "Araz Naxçıvan"ın futbolçusu cərimə meydançası daxilində əl ilə oynasa da hakim Fərid Hacıyev davam işarəsi verir. 

VARhakimi Nicat İsmayıllı isə baş hakimi VAR-a baxmağa çağırmır) 

Həmin görüntüləri təqdim edirik:

9-cu turda da Şamaxı təmsilçisi ciddi hakim haqsızlıqlarına məruz qalıb. "Səbail" - "Şamaxı" oyunun 34-cü dəqiqəsində hakim Əliyar Ağayev tərəfindən Belajdi Pusiyə şübhəli sarı vərəqə göstərilir və Pusinin növbəti oyunu buraxmasına səbəb olur.

Matçın 62-ci dəqiqəsində şübhəli cəriməzərbəsi Brahim Konatenin qırmızı vərəqə almasına səbəb olur.

Ən maraqlı epizod isə oyunun 53-cü dəqiqəsində qeydə alınır. Rəqib komandanın futbolçusu Mert Çelik "Şamaxı"nın futbolçu Belajdi Pusiyə 6-7 yumruq zərbəsi endirsə də, hakim yalnız sari vərəqə ilə kifayətlənir. Bu epizod futbol meydançasında yox, küçədə baş versə, Mert Çeliki rahatılıqla hüquq-mühafizə orqanlarına şikayət etmək olardı.

Həmin görüntüləri təqdim edirik:

Nəticə etibarilə, son 3 turda baş verən ciddi hakim ədalətsizlikləri "Şamaxı" klubunun 3 oyuna 0 xal toplaması ilə yekunlaşdı. 

Mehman Əsədov
Milli.Az