İdman

Polşalı qapıçı “Qarabağ”la müqavilə üçün Bakıya gəlir

12 Avqust 2024 19:44

Baxış: 975

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU #TRANSFERLƏR #QARABAĞ #FUTBOL #TRANSFER

"Qarabağ"ın heyətinə qatmaq istədiyi qapıçı Mateuş Koxalski Azərbaycana gələcək.

Milli.Az qafqazinfo-ya istinadən xəbər verir ki, polşalı qolkiper bu həftə Bakıda olacaq. Bu barədə Polşa mətbuatı məlumat yayıb. Bildirilib ki, "Stal" klubunun 24 yaşlı qolkiperi paytaxtımızla tanış olmaq niyyətindədir. Azərbaycana gəlişində digər məqsəd isə "Qarabağ"ın bazasını görməkdir.

Polşalılar danışıqların müsbət nəticələnmək üzrə olduğunu qeyd ediblər. Yazılanlara görə, "Qarabağ" bu keçidin baş tutması müqabilində "Stal" klubuna 1 milyon avroya yaxın məbləğdə pul ödəyəcək. Yekun qərarı Bakını görməyə və klubla yaxından tanış olmağa gələn Koxalski verəcək.

Qeyd edək ki, karyerası ərzində "Legiya", "Radomiak" klublarında da oynamış Koxalski 2022-ci ildən "Stal"ın üzvüdür. Onun hazırkı komandası ilə 2025-ci ilin yayınadək müqaviləsi var. Koxalski Ekstraklasanın 2023/24 mövsümündə 33 matçda meydana çıxıb.

Milli.Az
Xəbərlərimizi WhatsApp kanalımızdan da oxuyun