İdman

Təbriz Həsənov: “Onlar tamamilə kuboka fokuslanıblar”

24 Aprel 2024 16:25
Baxış: 553
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU

"Kubokun bir cütündə son turları yaxşı oynayan, digərində isə əksi olan klublardır".

Milli.Az İdman.Biz-ə istinadən bildirir ki, bunu veteran futbolçu Təbriz Həsənov deyib.

57 yaşlı mütəxəssis Azərbaycan kubokunun yarımfinal mərhələsinin cavab görüşləri öncəsi gözləntilərini açıqlayıb. O bildirib ki, "Qəbələ" ilə "Zirə" oyununa proqnoz vermək çətindir: "Bölgə klubu cəmi 1 top fərqilə - 1:2 hesabı ilə uduzub. Onlar tamamilə kuboka fokuslanıblar. Deməzdim kubok komandasıdırlar, amma bundan qabaq qalib olmağı bacarıblar. "Qəbələ"nin yaxşı təcrübəsi də var. Hər halda 1 top fərqini yaxşı oyunla aradan qaldırmaq olar. Bu oyunda şansları 50-nin 50-yə dəyərləndirirəm. Maraqlı və çətin oyun olacaq".

Həsənov kuboku qazanmağa əsas favorit "Qarabağ"ı sayır: "İnanmıram ki, "Neftçi" onlarla görüşdə 0:4 hesablı məğlubiyyətin əvəzini çıxa bilsin. "Qarabağ"ı finalda görürəm. Qurban Qurbanovun komandası kuboku qazanmaq gücündədir. Məncə, "Qəbələ" - "Zirə" oyunu "Qarabağ" - "Neftçi" matçından daha maraqlı olacaq".

Qeyd edək ki, "Qəbələ" - "Zirə" matçı saat 17:00-da, "Qarabağ" - "Neftçi" qarşılaşması saat 20:00-da başlayacaq.

Milli.Az
Xəbərlərimizi WhatsApp kanalımızdan da oxuyun

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.