Xankəndi - Bakı ultramarafonuna yekun vuruldu - YENİLƏNİB

Gənclər və İdman Nazirliyi, Bakı Şəhər Halqası və Azərbaycan Atletika Federasiyası ilə birgə keçirdiyi Xankəndi - Bakı ultramarafonununa bu gün yekun vurulub.

Milli.Az İdman.Biz-ə istinadən bildirir ki, atletlər yarışın beşinci mərhələsində Qobustandan Bakıya olan məsafəni qət ediblər.

"Qürurla irəli" şüarı ilə təşkil edilən marafonun son günündə iştirakçılar 55 km qaçaraq ən güclüləri müəyyənləşdiriblər. Bakıda yekunlaşan mərhələdə finişə Artyom Əliyev birinci çatıb. O, həmçinin ümumi mərhələnin qalibi adina yiyələnib. İkinci yeri Yadigar Hüseynov, üçüncü pilləni Seymur Şahbazov tutub.

Fevralın 29-da Xankəndidə start götürən ultramarafon iştirakçıları bunadək Xankəndi - Yevlax (83 km), Yevlax - Ucar (84 km), Ucar - Hacıqabul (88 km), Hacıqabul - Qobustan (70 km) mərhələlərini başa vurublar. Yarışda hər mərhələnin qalibləri ayrılıqda təltif ediliblər. Ultra marafonun ümumi qalibləri isə baş mükafata layiq görülüblər.

Qeyd edək ki, 380 km-dən ibarət olan ultramarafonda ümumilikdə 64 idmançı mübarizəyə başlayıb və onlardan 17-si sonadək mübarizə aparıb. Atletlər arasında Türkiyə, Meksika və Moldova təmsilçiləri olub.

-----

10:05

Gənclər və İdman Nazirliyi, Bakı Şəhər Halqası və Azərbaycan Atletika Federasiyası ilə birgə keçirdiyi Xankəndi - Bakı ultramarafonununa bu gün yekun vurulacaq.

İdman.biz xəbər verir ki, atletlər yarışın beşinci mərhələsinə Qobustanda start veriblər.

"Qürurla irəli" şüarı ilə təşkil edilən marafonun son günündə iştirakçılar 55 km məsafə qət edəcəklər. Yarış Bakıda başa çatacaq.

Fevralın 29-da Xankəndidə start götürən ultramarafon iştirakçıları bunadək Xankəndi - Yevlax (83 km), Yevlax - Ucar (84 km), Ucar - Hacıqabul (88 km), Hacıqabul - Qobustan (70 km) mərhələlərini başa vurublar. Yarışda hər mərhələnin qalibləri ayrılıqda təltif ediləcəklər. Ultra marafonun ümumi qalibləri isə baş mükafata layiq görüləcəklər.

Qeyd edək ki, 380 km-dən ibarət olan ultramarafonda ümumilikdə 64 idmançı mübarizəyə başlayıb. Onlar arasında Türkiyə, Meksika və Moldova təmsilçiləri də var. İlk dörd mərhələni bu idmançılardan 17-si başa vurub.

Milli.Az
Xəbərlərimizi WhatsApp kanalımızdan da oxuyun