İdman

FİFA Səudiyyə Ərəbistanına işləyib? - İddialara cavab

9 Dekabr 2023 07:53

Baxış: 635

#FUTBOL

Səudiyyə Ərəbistanının idman naziri, şahzadə Əbdüləziz bin Turki Əl Faysal DÇ-2034-ə ev sahibliyi etmək üçün FİFA-nın sürətli prosesi haqqında danışıb.

Milli.Az publika.az-a istinadən xəbər verir ki, bu proses sayəsində əksər ölkələr mundialı təşkil etmək üçün ərizə verə bilməyiblər və nəticədə Səudiyyə Ərəbistanını rəqibsiz qalıb.

Şahzadə FİFA rəhbərliyinin ölkənin qalib gəlməsinə yol açdığına dair hər hansı iddianı rədd edir.

"Bu, sadəcə bir nəzəriyyədir. Baxmaq lazımdır ki, futbolun nə faydası var. Hamı qaydaları aydın şəkildə ortaya qoydu, proses zamanı heç kim onlara etiraz etmədi, ona görə də FİFA tərəfindən şəffaflığın olmadığını düşünmürəm. Biz bunu etməyə hazır idik, digərləri isə olmaya bilərdi. Bu, bizim günahımız deyil.

125-dən çox federasiyanın Səudiyyənin iddiasını dəstəklədiyi bəyanatından da göründüyü kimi, dünya da DÇ-2034-ə ev sahibliyi etməyimizi istəyir", - BBC nazirin sözlərindən sitat gətirib.

Milli.Az