İdman

Azərbaycan gimnastikası ilk dəfə Ümumdünya Xüsusi Yay Olimpiya Oyunlarında təmsil olunacaq - FOTO

10 İyun 2023 19:36
Baxış: 815
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Azərbaycanın bədii gimnastika üzrə Xüsusi Olimpiada idmançısı Mehriban Tağıyeva Bakıda Milli Gimnastika Arenasında yoxlama məşqi keçirib.

Milli.Az Trend-ə istinadən xəbər verir ki, Mehriban Tağıyeva ölkəmizi Berlində (Almaniya) keçiriləcək Ümumdünya Xüsusi Olimpiya Yay Oyunlarında bədii gimnastika yarışlarında təmsil edəcək.

Məşq zamanı Mehriban Tağıyeva dörd gimnastika aləti - halqa, top, gürz və lentlə hərəkətləri nümayiş etdirib.

Mehriban Tağıyevanın məşqçisi Səbinə Məmmədova media nümayəndələrinə bildirib ki, 16 yaşlı idmançı 6 aydır bədii gimnastika ilə məşğul olur:

"İyunun 17-dən 25-dək Berlində Ümumdünya Xüsusi Olimpiya Yay Oyunları keçiriləcək. Azərbaycan gimnastikası tarixində ilk dəfə olaraq ölkəmizi bu yarışlarda Mehriban Tağıyeva təmsil edəcək. Əvvəlcə o bizimlə ümumi fiziki hazırli keçirdi, sonra onu Xüsusi Olimpiya yarışlarına hazırlamaq qərarına gəldik. Yarışlarda idmançı ayrı-ayrı növlərdə və çoxnövçülükdə çıxış edəcək".

Səbinə Məmmədovanın sözlərinə görə, 2017-ci ildən ölkəmizdə Xüsusi Olimpiada proqramı üzrə gimnastika məşğələləri keçirilir.

Mehriban Tağıyevanın anası Xatirə Tağıyeva qızının Berlində keçiriləcək Ümumdünya Xüsusi Olimpiya Yay Oyunlarında uğurla çıxış edəcəyinə ümid etdiyini bildirib:

"Qızımın həyatında bədii gimnastika böyük rol oynayır. Mehriban uzun müddət atletika ilə məşğul olub, sonra bədii gimnastika ilə məşğul olmaq təklifi alıb və hazırda bu idman növü ilə böyük məmnuniyyətlə məşğul olur. Bu fürsətə görə Azərbaycan Gimnastika Federasiyasına minnətdarlığımı bildirirəm".

Qeyd edək ki, Xüsusi Olimpiada əqli qüsurlu insanlar üçün idman və istirahət tədbirlərinin təşkili və yarışların keçirilməsi ilə bağlı dünya miqyasında hərəkatdır.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.