İdman

İngiltərə Kubokunun qalibi müəyyənləşdi - VİDEO

3 İyun 2023 21:42

Baxış: 1 399

#VİDEO #MANÇESTER YUNAYTED #FUTBOL #MANÇESTER SİTİ

İngiltərə Kubokunun qalibi bəlli olub.

Milli.Az matc.az-a istinadən bildirir ki, həlledici görüşdə Mançester təmsilçiləri üz-üzə gəlib.

Londondakı "Uembli" stadionunda baş tutan görüşdə hesabı "Mançester Siti" açıb. Birinci dəqiqədə İlkay Gündoğan dəqiq zərbə ilə fərqlənib. "Yunayted" fasiləyədək tarazlığı bərpa etməyi bacarıb.

33-cü dəqiqədə Bruno Fernandes penalti zərbəsi ilə cavab qolunu vurub. Amma "şəhərlilər" yenidən önə çıxıb. 51-ci dəqiqədə Gündoğan dublunu rəsmiləşdirib. Bu qol matçın nəticəsini həll edib.

"Mançester Siti" - "Mançester Yunayted" - 2:1
Qollar: İlkay Gündoğan, 1; 51 - Bruno Fernandes 33

Qeyd edək ki, "Mançester Siti" tarixində yeddinci dəfə İngiltərə Kubokunun qalibi olub. Bu mövsüm İngiltərə Premyer Liqasını da qazanan "şəhərlilər" qızıl dubl edib. İyunun 10-da Xosep Qvardiolanın yetirmələri Çempionlar Liqasının finalında "İnter"lə qarşılaşacaq.

Milli.Az