İdman

V İslam Həmrəyliyi Oyunlarının rəsmi bağlanış mərasimi keçirilib - YENİLƏNİB - FOTO

18 Avqust 2022 23:56
0 Şərh     Baxış: 924

Türkiyənin Konya şəhərində V İslam Həmrəyliyi Oyunlarının rəsmi bağlanış mərasimi keçirilib.

Milli.Az Trend-ə istinadən bildirir ki, bağlanış mərasimində gənclər və idman naziri Mehmet Muharrem Kasapoğlu və İslam Həmrəyliyi İdman Federasiyasının prezidenti Əbdüləziz bin Turki Əl-Feysəl Əl-Səud çıxış ediblər.

Kasapoğlu İslam Oyunlarının İslam Əməkdaşlıq Təşkilatına üzv ölkələrin qardaşlığını daha da gücləndirəcəyini vurğulayıb. Bu Oyunların keçirilməsi burada iştirak edən ölkələrdə idmanın inkişafına öz töhfəsini verəcək.

Öz növbəsində Əbdüləziz bin Turki Əl-Feysəl Əl-Səud Konya şəhərində Oyunların yüksək səviyyədə keçirildiyini, bütün idmançıların yaxşı hazırlıq keçdiyini bildirib. Həmçinin, o, əmindir ki, gələcəkdə Oyunların keçirilməsi İslam Əməkdaşlıq Təşkilatı ölkələrində idmançıların daha da yaxşı hazırlanmasına və idmanın inkişafına töhfə verəcək.

Azərbaycan V İslam Həmrəyliyi Oyunlarını 99 medalla (29 qızıl, 36 gümüş və 34 bürünc) başa vuraraq İslam Əməkdaşlıq Təşkilatının 54 ölkəsi arasında dördüncü yeri tutub. Azərbaycan idmançılarından ibarət nümayəndə heyəti sayca Türkiyədən sonra ikincidir - 282 idmançı. İdmançılarımız 24 idman növündən 22-də iştirak ediblər. Oyunlarda ümumilikdə 4200 idmançı iştirak edib.

22:29

Türkiyənin Konya şəhərindəki 15 İyul Stadionunda V İslam Həmrəyliyi Oyunlarnın bağlanış mərasimi başlayıb.

Milli.Az "Report"a istinadən bildirir ki, mərasimə Azərbaycandan rəsmi şəxs qismində Milli Olimpiya Komitəsinin vitse-prezidenti Çingiz Hüseynzadə ilə Gənclər və İdman Nazirliyinin idman şöbəsinin müdiri Elnur Məmmədov qatılıb.

Əvvəlcə Türkiyənin Dövlət Himni səsləndirilib. Daha sonra iştirakçı 56 ölkənin rəsmi keçidi olub. Azərbaycan bayrağını 3x3 basketbolçu Zaur Paşayev daşıyıb.

Daha sonra Oyunların könüllüləri səhnəyə dəvət edilərək, onlara təşəkkür ifadə olunub.

Milli.Az

Məqaləyə dair fotomateriallar:

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics