İdman

Vladimir Kliçko müharibədən danışıb: "Bu, mənim həyatımın döyüşüdür"

21 Mart 2022 18:18
Baxış: 1 191
VTB-də minimal faiz dərəcəsi ilə nağd kredit 10.49%-dən

"Bu, mənim həyatımın döyüşüdür": Vladimir Kliçko Rusiya ordusu ilə müharibədən danışıb.

Milli.Az APA-ya istinadən bildirir ki, əfsanəvi boksçu, Kiyev meri Vitali Kliçkonun qardaşı news.yahoo saytına müsahibəsində Rusiya ordusuna qarşı müharibəni həyatının döyüşü adlandırıb və rusların heç vaxt Ukraynanı fəth edə bilməyəcəyini deyib:

"Mən döyüşçüyəm və bu döyüşdür. Bu, mənim həyatımın döyüşüdür. Bu, milyonlarla insanın bir ömürlük mübarizəsidir. Vladimir Putin sadəcə olaraq SSRİ-yə qayıtmaq istəyir, lakin bu, baş tutmayacaq. Əgər rus ordusunun əhatəsindəyiksə, elə də olsun. Biz, ukraynalılar, 45 milyonuq. Biz müqavimət göstərəcəyik, bunu indi də edirik. Fotolarda görürsən ki, rusların keçdiyi şəhərlərdə insanlar Ukrayna bayraqları ilə mitinqlər keçirir, tankların qarşısına çıxıb deyirlər ki, evinə get, bura sənin torpağın deyil".

Vladimir Kliçko bildirib ki, Kiyevdə rus tankları yoxdur və olmayacaq:

"Şəhər güclüdür, insanlar güclüdür, bizim iradəmiz güclüdür".

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.