İdman

2020-ci il üçün "Qızıl top" mükafatı Levandovskiyə verilə bilər

1 Dekabr 2021 18:38
0 Şərh     Baxış: 1 548
VTB-də minimal faiz dərəcəsi ilə nağd kredit 10.49%-dən

Fransanın "France Football" nəşri 2020-ci il üçün "Qızıl top" mükafatını Almaniya "Bavariya"nın futbolçusu Robert Levandovskiyə verə bilər.

Milli.Az report-a istinadən bildirir ki, nəşrin baş redaktoru Paskal Ferret "Watson"a açıqlamasında PSJ-də çıxış edən Lionel Messinin təklifini nəzərdən keçirmələrinin mümkünlüyünü söyləyib.

O, argentinalı oyunçunun dediklərini gözəl və ağıllı fikir adlandırıb: "Düşünmürəm ki, qərar verməkdə tələsməliyik. Bu barədə düşünə bilərik. Eyni zamanda səsverməyə əsaslanan "Qızıl top"un tarixinə də hörmətlə yanaşmalıyıq. Əmin ola bilmərik ki, Levandovskinin keçən il bu mükafatı qazanacaqdı. Çünki səsvermə yox idi. Amma düzü, ötən il onun qalib gəlmə şansı çox idi".

Qeyd edək ki, 2021-ci ildə Lionel Messi "Qızıl top"a layiq görülüb. O, mükafatı aldıqdan sonra Robert Levandovskinin 2020-ci il üçün bu mükafatı almalı olduğunu söyləyib. "France Football" koronavirus pandemiyası səbəbindən 2020-ci ildə "Qızıl top"u verməmək qərarına gəlib.

Milli.Az 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.