Cəmiyyət

Maskasız gəzmək və toy etmək qadağan olunur?

28 Oktyabr 2021 09:14
6 Şərh     Baxış: 10 007

Azərbaycanda koronavirusa yoluxanlar hələ də sağalanları üstələyir. Gündəlik ölüm sayı 20-30 arasındadır. Aktiv xəstə sayı 26 mindən çoxdur. Bir sözlə, pandemiya ilə bağlı durum heç də ürəkaçan deyil. Üstəlik rəsmi qurumlar növbəti aylarda, yəni noyabr və dekabrda epidemioloji durumun daha da kritikləşəcəyini, növbəti dalğanın tüğyan edəcəyini bəyan edirlər.

Milli.Az axar.az-a istinadən xəbər verir ki, dünya ölkələrində də epidemiya ilə bağlı vəziyyət pisləşib. Bəzi ölkələr artıq koronavirusdan qorunmaq məqsədilə karantin tədbirlərini sərtləşdirirlər. Avropa ölkələrində küçələrdə maskasız gəzmək qadağası bərpa edilib. Təhsil müəssisələri, restoran və kafelərin fəaliyyətinə məhdudiyyət qoyulub.

Bəs, Azərbaycanda pandemiya ilə bağlı karantin rejiminin sərtləşəcəyi gözlənilirmi?

Qeyri-rəsmi məlumatlara görə, bu həftənin şənbə günü Nazirlər Kabineti yanında Operativ Qərgahın növbəti brifiniqi təşkil olunacaq. Brifinqdə pandemiya ilə bağlı bəzi məhdudlaşdırıcı qərarların veriləcəyi istisna olunmur. İlkin ehtimallara görə Azərbaycanda da bəzi Avropa ölklərində olduğu kimi açıq havada maskasız gəzmək qadağası bərpa edilə bilər. Ardınca, toy, xınayaxtı, nişan və digər böyük mərasimlərin keçirilməsinə məhdudiyyət qoyula bilər. Hansı ki, son vaxtlar yoluxmanın daha çox toy mərasimlərində artdığı müşahidə edilir. Uzun müddət bir-birlərini görməyən insanlar qucaqlaşır və yaxın təmasda olurlar.

Təhsil müəssisələrinin qapadılmasına gəlincə, məsələ ilə bağlı ictimaiyyətdə hələki yekdil fikir formalaşmayıb. Valideynlərin əksəriyyəti virusun sürətlə yayılması təhlükəsi səbəbindən məktəblərin bağlanmasını tələb edirlər.

Sosial şəbəkələrdə noyabr ayından etibarən Azərbaycanda bütün orta məktəblərin bağlanacağı və yenidən distant təhsilə keçəcəyi iddia olunur. Təhsil nazirinin müşaviri Rüstəm Ağayev Xəzər TV-də yayımlanan "Təsir Dairəsi" verilişində bu iddialara münasibət bildirib. O, bununla bağlı qərarın olmadığını xatırlatsa da, hər şeyin yoluxma ilə bağlı rəqəmlərdən asılı olacağını bildirib.

Nəzərə alsaq ki, Ümümdünya Səhiyyə Təşkilatının tövsiyəsində də təhsil müəssisələrin sonda bağlanması qeyd olunub. Bu baxımdan məktəblərin qapadılması və tədrisin distant formaya keçməsi real görünmür.

Bu mənada deputat və ictimai-siyasi cameənin əksər nümayəndələri də ölkədə hər hansı qapanma qərarının əleyhinədirlər. Onlar hesab edir ki, qapanma təhlükəli və insanların iş mühitinin dayanmasıdır.

Üstəlik bundan əvvəl tətbiq olunan bütün qapanmaların nəticəsi effektiv oliub və ən optimal yol vaksinasiyanın davam etdirilməsindən keçir.

Qeyd edək ki, xeyli müddətdir ki, ölkə sərt karantin rejimindən çıxaraq bir sıra yumşaldılmalara gedib. Kinoteatrların, teatrların fəaliyyəti bərpa olunub, toylar müəyyən məhdudiyyət çərçivəsində keçirilir.

Milli.Az

35 000 AZN-dək krediti ONLAYN sifariş et!

Şərh yaz:

6 Şərh:

  • Anonim
    azər · 28 Oktyabr 10:1653

    Təcili və birmənalı. Sərtləşmə vacibdi.

    Cavab yaz
  • Anonim
    Alina · 28 Oktyabr 10:4021

    Ən azında əlavə fənləri idman texnoloğiya musiqi bə s. Dərsləri distant keçsinlər pandemiyadsn qabaq bu dərslər liseydə keçirilmirdi pandemiyadan əvvəl məktəblər5günlük idi eləbil millətin balalarının qəsdinə durublar.

    Cavab yaz
  • Anonim
    Canaaycan · 28 Oktyabr 11:1641

    Urraaaa.............!!!!!!!!!

    Cavab yaz
  • Anonim
    Fuad · 28 Oktyabr 11:4410

    Yaxşı vaksinləşmə aparırlarsa nəyə lazımdır qapadılma artıq 3-cü doza gəlir

    Cavab yaz
  • Anonim
    TT · 28 Oktyabr 18:4801

    150-ci doza necə?

    Cavab yaz
    • Anonim
      Təranə · 1 Noyabr 00:3000

      Millətin gələcəyini bisavad görmək istəyənlər məktəbin baglanmasını arzulayır

      Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.