Ölkə

İtə qarşı zorakılıq edən şəxslə bağlı yeni detallar - Yenilənib

5 Oktyabr 2026 23:53

Baxış: 340

VTB-də minimal faiz dərəcəsi ilə nağd kredit 9.9%-dən

#HEYVANLAR

Qaradağ rayonunun Müşfiqabad qəsəbəsində, Yeni Həyat yaşayış massivində itə qarşı zorakılıq göstərilməsi ilə bağlı bəzi detallar məlum olub.

Milli.Az Baku TV-yə istinadla xəbər verir ki, hadisə ilə bağlı danışan sakinlərin sözlərinə görə, itə qarşı zorakılıq edən şəxs narkotik maddə istifadəçisidir və daha əvvəl də heyvanlara qarşı oxşar hərəkətlər edib.

Vəkil Emil Aslanovun sözlərinə görə, heyvanlarla rəhmsiz rəftar edilməsinə, o cümlədən onlara ağrı, əzab və işgəncə verilməsinə, döyülməsinə və ya döyüşdürülməsinə görə 500 manatdan 800 manatadək cərimə nəzərdə tutulur.

Bu əməllər nümayişkaranə şəkildə, o cümlədən mediada nümayiş etdirilməklə törədildikdə, 800 manatdan 1 000 manatadək cərimə tətbiq edilir.

Ekspert bildirib ki, əməllər heyvanların şikəst edilməsinə səbəb olduqda 1 000 manatdan 1 500 manatadək, heyvanların tələf olması ilə nəticələndikdə isə 1 500 manatdan 2 000 manatadək cərimə və ya bir ayadək inzibati həbs tətbiq edilə bilər.

----------

Bakıda itə qarşı zorakılıq edən şəxs saxlanılıb.

Milli.Az oxu.az-a istinadən xəbər verir ki, hadisə ilə bağlı polis əməkdaşları tərəfindən araşdırma aparılıb. Qaradağ rayonu ərazisində heyvanla rəhmsiz rəftar edən şəxs müəyyən olunub və barəsində müvafiq məsuliyyət tədbirləri görülüb. Heyvanla rəhmsiz rəftar etdiyinə görə polis əməkdaşları tərəfindən Ağakişiyev soyadlı şəxs saxlanılıb. Qaradağ Rayon Məhkəməsinin qərarı ilə Ağakişiyev 25 sutka inzibati qaydada həbs olunub.

Xatırladaq ki, Bakıda itə qarşı zorakılıq olunduğunu əks etdirən görüntülər yayılıb.

Görüntülərdə çoxmərtəbəli binanın pəncərəsindən itin aşağı atıldığı öz əksini tapıb.

Müəllif: Ülkər Vəliyeva (Milli.Az redaktor)