Cəmiyyət

Red Bull Neymar Jr’s Five futbol turniri yenidən Azərbaycanda

22 İyul 2021 17:11

Baxış: 10 190

VTB-də minimal faiz dərəcəsi ilə nağd kredit 9.9%-dən

Məşhur futbolçu Braziliya millisinin və "Pari Sen Jermen" klubunun üzvü Neymar tərəfindən təqdim edilən "Red Bull Neymar Jr's Five" futbol turniri növbəti dəfə Azərbaycanda təşkil olunacaq. Maraqla gözlənilən yarışın seçim mərhələləri 22 avqustda Gəncə şəhərində, 28-29 avqust və 4-5 sentyabr tarixlərində Bakıda keçiriləcək. Azərbaycan üzrə qalibin məlum olacaq milli final mərhələsi Bakıda 12 sentyabrda baş tutacaq.

Red Bull Neymar Jr's Five futbol turnirində iştirak etmək istəyənlər 12 iyuldan başlayan onlayn qeydiyyat mərhələsindən keçməlidir. Gəncə seçimləri üçün qeydiyyat avqustun 21-də yekunlaşacaq.

Xatırladaq ki, Red Bull Neymar Jr's Five -dünyanın hər bir tərəfindən futbol həvəskarlarını birləşdirən "beşin beşə" qlobal futbol turniridir. İldən ilə ölkələrin sayı genişlənir və turnirin coğrafiyası artır. Bu il yarış daha böyük olacaq. 6 qitədən olan 60-dan çox ölkədə seçim mərhələləri təşkil olunacaq. Bu yarışlarda öz ölkələrində milli finalın qalibi olacaq komandalar əsas dünya finalında iştirak hüququ qazanacaq.

Yarışda yeddi nəfərdən ibarət olan komandalar iştirak edə bilər, oyunçulardan beşi 18-25 yaş arası, digər ikisi isə 25 yaşdan böyük ola bilər.

Reqlamentə əsasən turnirdə hər oyun 10 dəqiqə davam edir. Rəqibin qapılarına hər vurulan qol, rəqibin komandadan bir oyunçunu meydandan uzaqlaşdırır. Oyun, komandalardan birinin son oyunçusunun meydandan uzaqlaşdırılmasına və ya matçın vaxtı bitənə qədər davam edir. Oyunun sonunda oyunçu sayı daha çox olan komanda qalib gəlir.

Qeydiyyat: www.redbull.az

Layihənin tərəfdaşları:

Media - Day.az

TV - CBC SPORT

Meydança - Sportster

Yemək tərəfdaşı - Frychicken