Cəmiyyət

"Quba Şahdağ" limonadı qanunsuz istehsal edilirmiş

25 İyun 2021 19:12
Baxış: 1 142
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qubada sanitar texniki, sanitar gigiyenik vəziyyəti, o cümlədən qida təhlükəsizliyi sahəsində normativ hüquqi tələblərinə uyğun olmadan fəaliyyət göstərən alkoqolsuz içkilərin istehsalı müəssisəsi aşkarlanıb.

Qida Təhlükəsizliyi Agentliyinin (AQTA) Xaçmaz Regional Bölməsindən Milli.Az-a verilən məlumata görə, rayonun Timiryazev kəndində Məlikov Ələkbər Bəhram oğluna məxsus sexdə yoxlama zamanı məhsulların istehsalı zamanı texnoloji ardıcıllığa riayət olunmaması müəyyənləşib. Həmçinin istehsal müəssisəsində istifadə olunan suyun laborator müayinələrinin həyata keçirilmədiyi üzə çıxıb. Sexdə "Quba Şahdağ" əmtəə nişanlı qazlaşdırılmış alkoqolsuz içkilər (limonad) istehsal olunur.

Aşkar olunan fakt əsasında qanunvericiliyin tələbləri çərçivəsində inzibati tədbirlər görülüb.

Məhsullardan nümunələr götürülərək Qida Təhlükəsizliyi İnstitutunun müvafiq laboratoriyalarına göndərilib.

Qida Təhlükəsizliyi Agentliyi istehlakçı hüquqlarının qorunması, həmçinin qida təhlükəsizliyinin təmin edilməsi istiqamətində tədbirləri mütamadi davam etdirəcək.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.