Cəmiyyət

İşğaldan azad edilmiş ərazilərdə “yaşıl enerji” zonası yaradılacaq - VİDEO

4 May 2021 11:59
Baxış: 1 106
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İşğaldan azad edilmiş ərazilərin enerji təminatı külək, günəş və hidroenerji mənbələri hesabına qarşılanacaq. Qarabağda "yaşıl enerji" zonasının yaradılması bölgənin enerji təminatının əsas mənbəyi olacaq.

Milli.Az xezerxeber.az-a istinadən bildirir ki, "yaşıl zona" özündə bərpa olunan enerji mənbələrinin toplusunu cəmləşdirir.

İşğaldan azad edilmiş torpaqlarda hər üç bərpa olunan enerji mənbəyi üçün potensial var. Günəş enerjisi üçün əlverişli ərazilər Zəngilan, Füzuli  və Cəbrayıl rayonlarıdır. Laçın və Kəlbəcərdə isə külək enerjisi üçün kifayət qədər təbii imkanlar mövcuddur.

Energetika Nazirliyi yanında Bərpa Olunan Enerji Mənbələri Dövlət Agentliyinin direktoru Təbriz Əmmayevin sözlərinə görə, bərpa olunan enerji mənbələrinə xarici investorların böyük marağı var. Ona görə də qarşıdakı illərdə bir sıra böyük layihələr məhz xarici investisiya hesabına reallaşacaq. İşğaldan azad edilmiş ərazilərdə "yaşıl enerji" zonasının yaradılması ilə əlaqədar konsepsiyanın və baş planın hazırlanması üçün ixtisaslaşmış beynəlxalq məsləhətçi şirkətin cəlb edilməsi isə işlərin daha effektiv təşkil olunmasını təmin edəcək.

Həmçinin işğaldan azad olunmuş ərazilərdə su elektrik stansiyalarının da qurulması və enerji əldə edilməsi üçün araşdırmalar aparılır. Bölgənin enerji təminatını yaxşılaşdırmaq üçün yeni su elektrik stansiyaları qurulacaq.

Mövzu ilə bağlı daha ətraflı videomaterialı təqdim edirik:

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.