Eynəkləri, damcıları kənara qoyun: Qədim Tibet rahiblərinin "qartal gözü" bəxş edən 3 dəqiqəlik ritualı

Gün boyu kompüter, telefon və planşet ekranlarına baxmaqdan gözləriniz qızarır? Daimi quruluş, yanma və görmə itiliyinin azalmasından əziyyət çəkirsiniz? Müasir dövrün gətirdiyi bu "rəqəmsal göz yorğunluğu" probleminə əsrlər əvvəlindən gələn sirli bir həll yolu aşkara çıxıb. Qədim Tibet rahiblərinin monastırlarda görmə qabiliyyətlərini iti saxlamaq üçün tətbiq etdikləri iddia edilən 3 dəqiqəlik sirli ritual bahalı damlaları və dincəldici eynəkləri arxa plana keçirir.

Milli.Az xəbər verir ki, Tibetli lama rahiblərinin əsrlər əvvəl göz əzələlərini məşq etdirmək və optik sinirləri stimullaşdırmaq üçün xüsusi həndəsi şablondan istifadə etdikləri məlumdur. "Tibet Göz Cədvəli" adlandırılan bu mərkəz mərkəzli şablon gözü fərqli bucaqlarda hərəkət etdirərək sanki idman zalındakı kimi işlədir. Hər səhər və ya intensiv ekran işinin ortasında cəmi 3 dəqiqənizi ayıraraq tətbiq edə biləcəyiniz həmin ritualın addımları olduqca sadədir:

Ovuc içi ilə istiləşdirmə (Palming)
İki ovucunuzu bir-birinə sürtərək sürətlə istiləşdirin. Ardından gözlərinizi yumub ovuc içlərinizi göz qapaqlarınızın üzərinə yüngülcə yerləşdirin. Qaranlıqda göz əzələlərinizin boşaldığını hiss edin.

Saat əqrəbi istiqamətində fırlanma
Gözlərinizi açın. Başınızı heç tərpətmədən, yalnız göz bəbəklərinizlə xəyali bir saatın rəqəmlərini izləyirmiş kimi ən yuxarıdan başlayaraq saat əqrəbi istiqamətində tam bir dairə çəkin. Bunu 3 dəfə təkrarlayın.

Saat əqrəbinin əks istiqamətində fırlanma
Eyni dairəvi hərəkəti bu dəfə saat əqrəbinin əks istiqamətində 3 dəfə təkrar edərək göz əzələlərinizi dartın.

Çarpaz fokuslanma
Gözlərinizi əvvəl sol üst küncə, daha sonra sağ alt küncə yönəldin. Bu çarpaz baxışı 3 dəfə təkrarlayın. Ardından tam əks istiqamətdə sağ üst künc ilə sol alt künc arasında hərəkət edin.

Sürətli qırpma
Ritualı bitirərkən gözlərinizi 15-20 saniyə ərzində çox sürətli şəkildə qırpın. Bu proses gözyaşı vəzilərinizi stimullaşdıraraq quruluğu dərhal aradan qaldıracaq.

Müəllif: Ülkər Vəliyeva (Milli.Az redaktor)