Cəmiyyət

Vasif Talıbovun maskasız FOTOları müzakirə yaratdı

18 Fevral 2021 16:22
Baxış: 1 980

Bu gün sosial şəbəkələrdə Naxçıvan Muxtar Respublikası Ali Məclisinin sədri Vasif Talıbovun və digər rəsmi şəxslərin ötən gün baş tutan Ağbulaq xizək mərkəzinin açılışı zamanı maska taxmaması müzakirələrə səbəb olub.

Milli.Az qafqazinfo-ya istinadən xəbər verir ki, açıq havada keçirilən mərasim zamanı sosial məsafəyə əməl edilməməklə yanaşı həmçinin maska da taxılmayıb. Ali Məclis rəhbərinin və üzvlərinin Nazirlər Kabineti  yanında Operativ Qərargahın qaydalarına riayət etməməsi tənqidlə qarşılanıb.

Bu arada bildirək ki, Naxçıvan Muxtar Respublikasında koronavirusa yoluxma statistikası 0,05 faiz təşkil etsə də, Operativ Qərargahın qərarına əsasən ölkə ərazisində açıq havada maska taxmaq məcburidir. Qaydanı pozan şəxslər barəsində İnzibati Xətalar Məcəlləsinin müvafiq maddəsinə uyğun olaraq protokol tərtib edilir.

Qeyd edək ki, Azərbaycanda rəsmi şəxslər açılış mərasimlərinə qatılan zaman maskadan istifadə edirlər.

Milli.Az

Məqaləyə dair fotomateriallar:

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics