Cəmiyyət

Meksika səfiri Dövlət Tərcümə Mərkəzində olub

27 Yanvar 2021 12:07
Baxış: 1 397
VTB-də minimal faiz dərəcəsi ilə nağd kredit 9.9%-dən
#ƏDƏBİYYAT #AZƏRBAYCAN #MEKSİKA

Mədəniyyət və təhsil sahələrində əməkdaşlığı gücləndirməkdə davam etmək məqsədilə Meksika səfiri Rodriqo Labardini Dövlət Tərcümə Mərkəzinin rəhbəri Afaq Məsud ilə görüşüb.

Səfirlikdən Milli.Az-a verilən məlumata görə, dostluq mühitində keçirilən görüşdə Mərkəzin rəhbəri görülmüş son işlər, xüsusən də meksikalı yazıçı Karlos Fuentesin Azərbaycan dilinə tərcümə olunmuş üçlükdən - "Artemio Krusun ölümü", "Aura" və "Çak Mool" - ibarət "Seçilmiş Əsərlərin" dərc olunması barədə xəbər verdi. Eyni zamanda, "Nizami Gəncəvi İli" üçün Mərkəzin nəzərdə tutduğu layihələri qeyd etdi. Bu xüsusda, pandemiya şəraitində tədbirlərin baş tutması üçün rəqəmsal platformalardan istifadənin vacibliyini vurğuladı.

Öz tərəfindən, səfir Labardini ikitərəfli münasibətlərin mədəniyyət və təhsil sahələri üzrə möhkəmlənməsi və inkişafındakı töhfəsinə görə Mərkəzə təşəkkür etdi. Meksikalı yazıçı David Toskananın Bakıya son səfəri də daxil olmaqla birgə layihələri xatırladı. Həmçinin, əməkdaşlıq perspektivlərindən danışdı və hər iki ölkə ədəbiyyatının təşviqinə təkan vermək üçün Səfirliyin istək və hazırlığını vurğuladı.

Tərəflər "Nizami Gəncəvi İli" çərçivəsində bir sıra tədbirlərin birgə reallaşmasını və ikitərəfli əməkdaşlığa təkan verməkdə davam etməyi razılaşdırdılar.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.