Cəmiyyət

Geoparkların yaradılacağı ərazilərin seçilməsi istiqamətində işlər aparılır - ETSN

11 Yanvar 2021 17:16

Baxış: 623

VTB-də minimal faiz dərəcəsi ilə nağd kredit 9.9%-dən

#CƏMİYYƏT #EKOLOGİYA

Palçıq vulkanlarına geopark statusunun verilməsi növbəti illər üçün planlaşdırılan işlərdəndir.

Milli.Az bildirir ki, bunu Trend-ə Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəsmisi Arzu Səmədova bildirib.

Onun sözlərinı görə, palçıq vulkanlarına geopark statusunu verildikdən sonra orada geoturizmin fəaliyyətinə icazə veriləcək. Bununla bağlı qanunvericiliyə müvafiq dəyişiklik edilib.

A.Səmədova qeyd edib ki, hazırda geoparkların yaradılacağı ərazilərin seçilməsi istiqamətində işlər aparılır:

"2020-ci ildə yerli və xarici mütəxəssislə birgə vulkan olan ərazilərə baxış keçirilib və təkliflər hazırlanıb. Təkliflər tam hazır olduqdan sonra artıq geoparkların yaradılması istiqamətində işlərə başlanılacaq. Təkliflərdə paytaxta yaxın, geoloji quruluşuna görə unikal palçıq vulkanlarına daha çox üstünlük verilib".

Qeyd edək ki, 11 yanvar - dünya qoruqlar və milli parklar günüdür. Bu tarixin xüsusi mühafizə olunan təbiət ərazilərinə həsr edilməsi təsadüfi deyil. 1917-ci il yanvarın 11-də dünyada ilk dəfə Rusiyada nadir heyvanların qorunması məqsədilə Baykal gölü üzərində Barquzin Dövlət Qoruğu yaradılıb. Həmin təqvim Dünya Vəhşi Təbiət Fondunun təşəbbüsü ilə 1997-ci ildən etibarən qeyd olunur.

Azərbaycanda da ölkənin nadir təbiətinin qorunması məsələlərinə böyük diqqət yetirilir.

Milli.Az