Cəmiyyət

Azərbaycan plastik istifadəsinin azaldılmasını hədəfləyir

30 Noyabr 2020 20:24
Baxış: 1 160
VTB-də minimal faiz dərəcəsi ilə nağd kredit 9.9%-dən

Azərbaycanda polietilen paketlərdən istifadəni azaltmaq məqsədilə ilkin mərhələdə marketlərdə pulsuz verilən bu paketlərə görə ödəniş almaq lazımdır.

Milli.Az bildirir ki, bunu Trend-ə Qablaşdırma Sənayesi Assosiasiyasının icraçı direktoru Elçin Vəliyev deyib.

Onun sözlərinə görə, gələn ildən Azərbaycanda polietilen paketlərin və birdəfəlik plastik məhsulların satışı məhdudlaşdırılacaq:

"Polietilen paketlərlə bağlı qanunun 2021-ci il yanvarında 1-dən, birdəfəlik plastik məhsullarla bağlı qanunun iyulun 1-dən qüvvəyə minməsi nəzərdə tutulur".

Azərbaycanda plastikin təkrar emal olunması məsələsinə gəldikdə E.Vəliyev bildirib ki, Balaxanı Tullantıların Çeşidlənməsi zavodu bu məqsədlə yaradılsa da, plastik məhsulların 90 faizi yandırılır, bu isə enerjinin itirilməsinə gətirib çıxarır və ətrafa ekoloji ziyan vurur.

O vurğulayıb ki, plastik paketlərin istehsalının və istifadəsinin azaldılması üçün ikinci mərhələ təkrar emal olunan plastik paketlərin və bütün marketlərdə eyni loqotipli paketlərin istifadə olunmasıdır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.