Cəmiyyət

Dünyaca məşhur fotoqraf Ağdamda gördüyü mənzərədən dəhşətə gəldi

22 Noyabr 2020 18:18
Baxış: 1 217
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Dünyaca məşhur fotoqraf, "National Geografic" jurnalının fotoreportyoru Reza Deqati bu dəfə Azərbaycanın işğaldan azad edilmiş Ağdam şəhərində olub.

Milli.Az musavat.com-a istinadən bildirir ki, fotoqraf öz "İnstagram" səhifəsində Ağdamda gördüyü mənzərədən dəhşətə gəldiyini qeyd edib. Reza Deqati Ağdamı atom bombası nəticəsində məhv edilmiş Yaponiyanın Hirosima şəhərinə bənzədib:

"Ağdam. 28 il 9 ay öncə 10 minlərlə sakini, meyvə ağacları və yaşayışı olan bir şəhərdən ayrılmışdım.

Üçtərəfli anlaşma ilə qəbul edilən bəyanatdan sonra ermənilər bu şəhəri azərbaycanlılara geri qaytarmalı oldular. Şəhəri yenidən ziyarət etmək imkanım oldu və ruhlar şəhərini kəşf etməkdən şoka düşdüm. Bura atom bombası nəticəsində məhv edilmiş Hirosima şəhərinə bənzəyir, hətta ondan daha pis. Ermənilər şəhəri tərk edib gedərkən evlərini, binalarını dağıdıb gediblər.

Ağdamı əvvəlki görüşünüşə qaytarmaq üçün çox uzun zaman lazım gələcək".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.