Cəmiyyət

Tibbi maskanı cibində gəzdirənlərin NƏZƏRİNƏ - VİDEO

20 Noyabr 2020 16:17
Baxış: 3 176

Tibbi maskanın cibdə gəzdirilməsi təhlükəlidir.

Milli.Az xəbər verir, Ümumdünya Səhiyyə Təşkilatı və tibb sahəsi üzrə mütəxəssislər koronavirusdan qorunmağın 3 əsas şərti olduğunu bildirirlər.

Qeyd olunur ki, infeksiyanın yayılmasının qarşısını almaq üçün tibbi maskadan istifadə, sosial məsafənin qorunması və şəxsi gigiyena qaydalarına riayət mütləqdir. Tibbi maskalardan istifadə zamanı da diqqət edilməli məqamlar var.

Müşahidələr isə göstərir ki, bəzi sürücülər tibbi maskadan sanki avtomobillərin aksesuarı kimi istifadə edirlər. Onu ya salondakı güzgüdən asırlar, ya da daxili saxlanc yerində saxlayırlar.

Həkim Nahid Məhərrəmov deyir ki, saxlanc yerləri adətən təmiz olmadığından orda maska saxlanılması doğru deyil. Həkim həmçinin açıq məkanlarda da tibbi maskadan istifadənin məcburi edilməsinin son günlərdə COVID-19-a kütləvi yoluxmanın baş verməsi ilə izah edib.

Həkimlər bildirirlər ki, özündə koronavirus əlamətləri hiss edən şəxs dərhal təcili tibbi yardıma müraciət etməli və təcrid olunmalıdır.

Mövzu ilə bağlı daha ətraflı videomaterialı təqdim edirik. /xezerxeber.az

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.