Cəmiyyət

""Əsrin Müqaviləsi"nin imzalanması nəticəsində Azərbaycana böyük məbləğdə neft gəlirləri daxil olmağa başladı"

20 Sentyabr 2020 17:46
Baxış: 1 110
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Əsrin müqaviləsi" adından da məlum olduğu kimi Aəzrbaycanın tarixində ən vacib hadisələrdən biridir.

Milli.Az bildirir ki, bunu Trend-ə açıqlamasında SOCAR-ın ictimaiyyətlə əlaqələr və tədbirlərin təşkili idarəsinin rəis müavini İbrahim Əhmədov bildirib. Onun sözlərinə görə, "Əsrin müqaviləsi" Azərbaycan iqtisadiyatı üçün olduqca əlamətdar və önəmli bir hadisədir:

"Bu sazişin imzalanması nəticəsində Azərbaycana böyük məbləğdə neft gəlirləri daxil olmağa başladı, bu da Azərbaycanın iqtisadi inkişafının əsas bünövrəsini təşkil etdi, əsas təkan verici faktor oldu.

Son 20-30 ildə Azərbaycan iqtisadiyyatının inkişafında neft çox mühüm rol oynamışdı. 1994-cü ildə imzalanan əsrin müqaviləsi çərçivəsində Azərbaycanın ən böyük neft yataqları olan "Azəri", "Çıraq" və "Günəşli" yataqları dərinsulu hissəsi işlənməyə başlandı.

Bu yataqlar Xəzər dənizin dərinsulun hissəsində Azərbayca məxsus olan sektorda yerləşməkdədir. Orada isə yataqların işlənməsi üçün böyük məbləğdə vəsait, sərmayələr və texnoloji imkanlar vacib idi. Məhz bu texnoloji imkanlar və maliyə imkanları xarici şirkətlər vasitəsi ilə Azərbaycana cəlb olundu, onların bizimlə iş birliyi üçün bütün şərait yaradıldı. Bunun nəticəsində son illərdə Azərbaycana böyük məbləğdə vəsaitlər daxil olmağa başladı".

Onun sözlərinə görə, Azərbaycan Sovet İttifaqından ayrıldığımız zaman dünya bazarlarına çıxış imkanımız yox idi, çünki dünya okeanına birbaşa bağlı deyilik. Beynəlxalaq şirkətlərin iştirakı ilə, bu xətlər inşa olundu. Məhz "Əsrin Müqaviləsi" imzalandıqdan sonra beynəlxalq təşkilatların irştirakı ilə bu xətlər inşa olundu. Bu xətlər vasitəsilə dünya bazarına neft ixrac olunmağa başladı:

"Pik dövründə "Azəri", "Çıraq" və "Günəşli" yataqlarından çıxarılan neft ümumi neft hasilatının 80 faizini təşkil edirdi. Dövr keçdikcə yataqlarda resurlar azalır, lakin bu gün də həmin yataqların payı 70 faizə bərabərdir. Hələ uzun müddət bu yataqlar mühim əhəmiyyət kəsb edəcək. 2050-ci ilə dək uzadılmış "Əsrin Müqaviləsi" bundan xəbər verir ki, bu yataqların istifadəsi ən azı bu ilə dək davam edəcək. İndiyə qədər bu yataqlardan ümumi gəlir 150 milyar dollar civarında olub".

O qeyd edb ki , indiyə qədər dövlətimiz bu yataqlardan əldə etdiyi mənfəəti 150 milyard dollara yaxınlaşır, Dövlət Neft Şirkəti də şirkətlər tərəfində paydaş olaraq, AÇG-dən 14 milyard dollardan çox gəlir, Bakı-Tbilisi-Ceyhan boru kəmərinin istismarından 1,7 milyard dollara yaxın gəlir əldə etmişdir.

"Dövlətin və SOCAR-ın "Əsrin Müqaviləsi"ndən əldə etdiyi gəlirlər ölkədə bir çox sosial yönümlü layihələrə, qaçqın və məcburi köçkünlərin vəziyyətinin yaxşılaşdırılmasına, infrastruktur layihələrinə və ümumilikdə ölkə iqtisadiyyatına yatırılmışdır, dövlət büdcəsinin əhəmiyyətli hissəsini təşkil edir", - İ. Əhmədov bildirib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.