Cəmiyyət

Gədəbəyin Qız qalasına ilk dəfə avtomobil yolu çəkilir - FOTO

3 İyun 2020 21:45
5 Şərh     Baxış: 1 852

Gədəbəy rayonunda yerləşən və tarixçi mütəxəssislər tərəfindən təxminən 9-cu əsrə aid edilən Qız qalasının turizm əhəmiyyəti nəzərə alınaraq, turistlərin bu abidəni ziyarət etməsini asanlaşdırmaq üçün qalaya avtomobil yolu çəkilir.

Milli.Az AZƏRTAC-a istinadən bildirir ki, Gədəbəy Rayon İcra Hakimiyyətinin təşəbbüsü ilə inşa edilən yolun ümumi uzunluğu təxminən 10-12 kilometrdir. İnşasına mayın 20-dən başlanılan avtomobil yolunun iyun ayının sonunadək yekunlaşdırılması planlaşdırılıb.

Xatırladaq ki, ölkə əhəmiyyətli möhtəşəm memarlıq abidəsi olan Qız qalası Şəmkir çayı ilə Mis çayının kəsişməsində, sıx meşəliyin ortasında, sıldırım qayalığın zirvəsində yerləşir. Müdafiə xarakterli tarixi abidənin unikallığı ondadır ki, ətrafda kərpic hazırlanması üçün heç bir xammal mənbəyinin olmamasına, yaxud kərpic bişirilən emalatxanaya rast gəlinməməsinə baxmayaraq, Qız qalası kimi möhtəşəm abidə bişmiş qırımız kərpicdən inşa edilib. Abidəyə aparan yollar sıx meşəliyin içərisindən və kol-koslu dağ çığırlarından keçir. Buna baxmayaraq, qalanın bürclərindən və mazğallarından baxdıqda ətrafa olduqca əsrarəngiz və füsunklar mənzərə açılır.

Qeyd edək ki, Gədəbəy rayonununda yerləşən və 4-cü əsrə aid edilən ölkə əhəmiyyətli digər tarixi memarlıq abidəsi Mahrasa məbədi də Şəmkir çayının sahilində, hazırda Qız qalasına çəkilən avtomobil yolunun yaxınlığında yerləşir.

Milli.Az

Məqaləyə dair fotomateriallar:

loading...

Şərh yaz:

5 Şərh:

  • Anonim
    Seva · 3 İyun 22:1520

    Cox mubarek xeyirli olsun

    Cavab yaz
  • Anonim
    Abbas · 3 İyun 22:4210

    Bura vetendir!!!

    Cavab yaz
  • Anonim
    Samir · 3 İyun 23:4000

    Cox saģ olsun cənab icra başcs

    Cavab yaz
  • Anonim
    Mızı · 4 İyun 00:2600

    Əvvəlcə arxeoloqları göndərmək lazım idi sonra pulu fikirləşmək.

    Cavab yaz
  • Anonim
    Yağmur · 4 İyun 00:5000

    Çox göstermeyin ermeniler tez deyerki bizimdi

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.