Cəmiyyət

Hikmət Hacıyev: Daha 400-ə yaxın vətəndaşımızın Azərbaycana qaytarılması nəzərdə tutulur

26 Mart 2020 23:37

Baxış: 2 015

#CƏMİYYƏT

Son günlərdə 400 nəfərə yaxın Azərbaycan vətəndaşının ölkəyə qaytarılmasına nail olunub.

Milli.Az Trend-ə istinadən bildirir ki, bunu Nazirlər Kabinetində Baş Nazir Əli Əsədovun sədrliyi ilə keçirilən Operativ Qərargahın iclasında Prezidentin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.

Onun sözlərinə görə, növbəti həftələrdə müəyyən olunmuş qrafik əsasında daha 200-400 arası vətəndaşımızın Azərbaycana qaytarılması nəzərdə tutulur.

Qeyd edək ki, martın 26-da Nazirlər Kabinetində Baş Nazir Əli Əsədovun sədrliyi ilə Operativ Qərargahın iclası keçirilib.

İclasda xüsusi karantin rejiminin tətbiqi və vətəndaşların rejimin tələblərinə əməl etməsinə dair vəziyyət, vətəndaşların müraciətləri əsasında qaldırılmış məsələlər müzakirə olunub.

Bundan əlavə xaricdən gələn vətəndaşların təxliyəsi, karantin yerlərində vəziyyət, xəstələrin müalicəsi kimi məsələlər müzakirə edilib və müvafiq qərarlar qəbul olunub.

Milli.Az