Cəmiyyət

“Yalandan deyirlər ki, kərə yağıdır” - VİDEO - FOTO

23 Yanvar 2020 13:55
6 Şərh     Baxış: 7 131

Satışda saxta kərə yağları var.

Milli.Az bildirir ki, ARB TV-nin "Günə doğru" verilişində bu məsələ ilə bağlı maraqlı süjet hazırlanıb.

Eyyub Hüseynov - AİB sədri: "Bu cür saxta markalanmış, bəzən də üzərinə inək şəkli çəkilmiş, istehlakçıları inək şəkilini görüb, natural yazısını oxuyub kərə yağını düşündüyü yağların əksər hallarda heç kərə yağları ilə əlaqəsi olmur".

İlk baxışdan kərə yağı kimi görünsə də, tərkibi kimyəvi maddələrdən ibarətdir. Hətta əsl yağ təəssüratı yaratsın deyə kərə dadı və qoxusu da verilir.

İsa Əliyev - Qida mühəndisi: "Bitkisəl yağı süd qazanının içinə qoyurlar və onu qaynadırlar. Daha sonra həmin yağı çəkirlər. Və o yağdan artıq südün dadı, tamı gəlir".

Sakin: "Təbii məhsul yoxdur. Yalandan deyirlər ki, kərə yağıdır. Ona görə də xəstəliklər çoxalır"

Sakin: "Hərdən eşidirəm ki, bu satılanlar əsl kərə yağı deyil".

Əsl kərə yağı almaq istəyənlər əvvəlcə onun qiymətinə fikir verməlidilər.

İsa Əliyev - Qida mühəndisi: "Bu gün bazarda 4-5 manata nehrə yağı və kərə yağı satırlar. Bunlar heç bir şəkildə kərə yağı və nehrə yağı deyil".

Halbuki, 1 kq kərə yağının istehsalı üçün azı 20 litr yüksək keyfiyyətli südə ehtiyac var. Südün topdansatış bazar qiyməti isə 50-60 qəpikdən az deyil. Bu halda 1 kq kərə yağının maya dəyəri istehsal, daşınma və satış xərcləri də nəzərə alınmaqla, 10-12 manatdan az olmamalıdır.

Eyyub Hüseynov - AİB sədri: "İstehlakçılar üçün məlumat standartı olmadığından satıcılar istehsalçılar bu cür jestlərlə insanları aldadırlar. Yəni deyir bu, doğurdan da, natural yağdır, əslində isə bitki yağıdır. Südün qiyməti də məlumdur və ondan alınan yağın da qiyməti ortaya çıxır. Təxminən bilmək olur ki, həmin qiymətə kərə yağının satılması normal hal deyil".

Kərə yağı solğun sarı rəngdə olur. Tünd sarı, narıncı rəng yağa boya maddələrinin qatıldığını göstərir.

Bəhruz Qəlbinur - Kulinar: "Baxan kimi, istifadə edən kimi, dadından, qoxusundan, tərkibindən, yumşaqlığından hiss olunur. Məsələn palma tərkibli yağlar toxunanda ərimir. Çünki o bədən temperaturundan yüksək dərəcədə əriyir. Kərə yağı toxunan kimi əriyir. Əl istiliyinə, əl hərarətinə əriyir".

Xatırladaq ki, bu günlərdə AQTA paytaxtdakı məşhur marketlərdən birində "Belorusskaya Korova" əmtəə nişanlı saxtalaşdırılmış kərə yağının satışının həyata keçirildiyini aşkar edib. Araşdırma zamanı yağların ştrix kodunun saxta olduğu müəyyən edilib. Bizim market şəbəkələrinin 14 filialından ümumilikdə 12 ton 575 kq məhsulun satışının dayandırılması barədə qərar qəbul edilib və göstərilən məhsul partiyası dövriyyədən çıxarılıb.

Milli.Az

Məqaləyə dair fotomateriallar:

loading...

Şərh yaz:

6 Şərh:

  • Anonim
    Osmanli · 23 Yanvar 14:1640

    Bes ne alag ne yeyek .buna bir son goyan tapilacagmi.gatigi ele gaymagi ele yagi bu cure.yazig deyilmi bu insanlar

    Cavab yaz
  • Anonim
    Gülüş · 23 Yanvar 14:1704

    Əsl yağı bıçaqla doğrayanda ovulub tökülmür. bütöv kəsilir. Qırıla bilər amma xırdalanmaz. Bildiyim bu qədər

    Cavab yaz
  • Anonim
    asi · 23 Yanvar 14:5510

    Nehrə yağının rəngi fəsilə görə dəyişir.. Qışda daha çox açıq sarıya yaxın ağ fason olur, yazda yayda isə tünd sarı olur...Əgər tərkibində camış südü varsa, onda ümumiyyətlə ağ olur..

    Cavab yaz
  • Anonim
    Ana · 23 Yanvar 15:1520

    Çalışın tanıdığınlz adamlardan nehre yağı alın yeyin az az alın amma temiz men bu yağların üzünden evde şirniyat falan bişirmeye son qoydum elave heçne etmirem ki keyfiyyetsiz yağıda mecbur olub almayım ancaq yemeye birde seherler nehrü yağı fsyo.eveller mene deyirdilerki nece yağsız ev olar indi görüremki olar zeher yemekdense kartof qaynadıb yeyirem uşaqlarada başa salıram olmaz.

    Cavab yaz
    • Anonim
      Mahir · 23 Yanvar 15:4520

      Men inanmiram ki, Baki ve Sumqayitda nehre yagi olsun. Hamisi bos-bos sozlerdir. Nehre yagi isteyenler gerek kendde yasasinlar.

      Cavab yaz
  • Anonim
    Beyləqanlı · 23 Yanvar 15:4850

    Ümumiyyətlə Azərbaycana saxta qida gətirənlərə.ən ağır cəza verilməlidir.Çünki genafonu məhv edirlər.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.