Cəmiyyət

Bu sürücülər 40 manat CƏRİMƏLƏNƏCƏK - Yol Polisindən xəbərdarlıq

22 Noyabr 2019 16:19
6 Şərh     Baxış: 6 830

Havalar soyuduqca, yağışlar yağdıqca yollarda vəziyyət heç də ürəkaçan olmur. Yollardakı su gölməçələri piyadalar üçün problemə çevrilir. Çünki elə sürücülər var ki, yol kənarında dayanan piyadaları belə nəzərə almır. Əksinə sürət həddini daha da yüksəldərək, onların üst-başlarını batırmağa nail olurlar.

Ümumiyyətlə belə halların qarşısını almaqdan ötrü sürücülərə cərimələr tətbiq edilirmi?

Milli.Az xəbər verir ki, məsələ ilə bağlı Baş Dövlət Yol Polisi İdarəsinin (DYP) şöbə rəisi, polis polkovnik-leytenantı Rüfət Quliyev Modern.az-a məlumat verib. "Təbii ki, biz hər zaman olduğu kimi, hava şəraitini nəzərə almaqla, sürücülərə tövsiyə edirik ki, yollarda diqqətli olsunlar. Yağışlı hava ilə əlaqədar yollarda su gölməçələri yaranır. Sürücülərə dəfələrlə xəbərdarlıq edilir ki, yol kənarlarında dayanan piyadaları nəzərə alsınlar, sürət həddini azaltsınlar. Hərəkət iştirakçıları unutmasınlar ki, çirkli suları piyadaların üzərinə sıçratmaq yolverilməzdir. Eyni zamanda, piyadalara da bildirilir ki, hava şəraitinin yağışlı olmasını nəzərə alıb, geyimlərinə fikir versinlər. Sutkanın qaranlıq  vaxtında yola çıxarkən imkan daxilində əlvan, xüsusilə də işıqqaytarıcı geyimlər geyinsinlər. Çünki ən azından sürücüləri də nəzərə almaq lazımdır. Gecə vaxtı qara paltar geyinmiş piyadanı sürücü bəzən görmür, nəticədə isə yol nəqliyyat hadisəsinin baş verməsi halı qaçılmaz olur".

Rüfət Quliyev bildirib ki, sürücülərin piyadaların üzərinə çirkli su sıçratmaları ilə bağlı inzibati məsuliyyət nəzərdə tutulub:

"Azərbaycan Respublikasının İnzibati Xətalar Məcəlləsinin 42-ci maddəsinin 1.5 bəndində bu məsələnin həlli öz təsdiqini tapıb. Bununla bağlı sürücü məsuliyyətə cəlb olunmaqla, ona protokol tərtib edilir. Bütün sürücülərin nəzərinə çatdırırıq ki,  bu qaydanı pozan hər kəsə  40 manat miqdarında cərimə tətbiq olunacaq".

Milli.Az

loading...

Şərh yaz:

6 Şərh:

  • Anonim
    Seva · 22 Noyabr 16:2530

    Belke yollar dogru duzgun cekile ki su yigilmaya yoxsa masallah ele bil venesiyada yasayiriq yollara masin yox e qayiq lazimdir ki salib uzesen

    Cavab yaz
  • Anonim
    Əli · 22 Noyabr 16:4500

    Təqdirəlayiqdir bəlkə bu cərimədən sonra bəzi sürücülər mədəniləşər və yolu keçən və ya yol kənarında ictimai nəqliyyatı gözləyən insanları nəzərə alarlar.

    Cavab yaz
  • Anonim
    səbr · 22 Noyabr 18:1300

    məncə yollardakı problemi həll etsələr yaxşı olar əhali alabula paltarı hardan alıb geysin kasıb qış üçün aldığını alıb geyinir ala bula boz keçi ay qoşa buynuz keçi yalqız gəzib dolanma suya selə qurşanma beləcə davam edək

    Cavab yaz
  • Anonim
    Qadın · 22 Noyabr 21:4100

    16 yaşı tamam olmamış uşaqların qabaq oturacaqda oturması qadağandır? Əgər cəzası varsa nəqədərdjr?

    Cavab yaz
  • Anonim
    Nazim · 22 Noyabr 21:5620

    Piyadalardan artıq dərəcədə xahiş: qaranlıq vaxtı, ən əsas da yağış vaxtı piyada kecidi olsa da gələn maşınlardan ehtiyyatlı olsunlar, cünki sürücü nə qədər ehtiyyatlı olsa da sağı və solu qaranlıq və yağış nəticəsində görünüşü azalır. Yol mənimdi deyə yola qacmayın. Yaxşı görünüş vaxtı piyada kecidinin olub-olmamasından asılı olmayaraq bütün sürücülər piyadalara hörmət edib maşınları saxlayıb onlara yol verirlər. Piyadalar da sürücü lərəpis hava şəraitində sürücülərə hörmət etsər nə özləri xəsarət alar, nədəki sürücülər cəzalanar. Gəlin özümüzü iki tərəfli qoruyaq.

    Cavab yaz
  • Anonim
    Azad · 22 Noyabr 21:5710

    Yolu duz cekin ..birdeki ypx corek yeri qoyduz

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.