Cəmiyyət

Vüsal Hüseynov: "Azərbaycan ərazisinin qeyri-leqal miqrasiya üçün istifadə olunması çox az ehtimal olunur"

16 Noyabr 2019 17:34
0 Şərh     Baxış: 605

Azərbaycan ərazisinin qeyri-leqal miqrasiya üçün istifadə olunması çox az ehtimal olunur, çünki ölkə rəhbərliyi beynəlxalq insan alverini "təşviq etmir".

Milli.Az Trend-ə istinadən bildirir ki, bunu EURACTIV-ə müsahibəsində Dövlət Miqrasiya Xidmətinin rəisi Vüsal Hüseynov deyib.

İnsan alveri ilə məşğul olan beynəlxalq dəstələr barədə danışan V.Hüseynov deyib ki, bu cür hallar aşkar edilərək qarşısı alınıb, bununla belə onlar çox az olub:

"Azərbaycan təhlükəsizlik baxımından yaxşı təşkil olunub. Bizim bu cür halları aşkar etmək imkanlarımız var. Əlbəttə bu, həm də profilaktika xarakteri daşıyır. Ölkəni tranzit məntəqəsi kimi istifadə etməyə çalışanlar bilir ki, onların imkanı azdır, çünki burada hüquq tətbiqi çox güclüdür".

Readmissiya barədə suala cavab verən xidmət rəisi bildirib ki, 2014-cü ildə readmissiya barədə saziş imzalandıqdan sonra 1,3 min Azərbaycan vətəndaşı Avropa İttifaqı ərazisindən ölkəyə qaytarılıb. O bildirib ki, readmissiya təşkilat ölkələrinin müraciəti əsasında baş tutur. Hazırda müraciətlərin sayı üç minə yaxındır, digər işlərə baxılır.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.