Cəmiyyət

Ölümündən sonra 300 il çürüməyən Diri baba - REPORTAJ - FOTO

16 Noyabr 2019 23:24
8 Şərh     Baxış: 3 840

Qobustanda yerləşən Diri baba türbəsi Şirvan-Abşeron memarlıq üslubunda inşa edilib. Sərt qayaların üzərində, ovulmuş mağaranın önündə ucaldılan Diri baba türbəsinin ön, sağ və sol divarları açıq havada olsa da, arxa tərəfi qayaların arasında yerləşir. Birinci və ikinci mərtəbələr, həmçinin ikinci mərtəbə ilə günbəz arasında daş pilləkən yerləşir. Qayanın içərisində yonulub tikildiyinə görə türbənin yalnız cənub istiqamətinə doğru bir fasadı var. Həmin fasadın quruluşunda Şirvan abidələrində olan memarlıq əlamətləri ilə yanaşı, fərqli detallar da mövcuddur.

Milli.Az xəbər verir ki, abidənin bələdçisi Nəsib Babaşov AZƏRTAC-a tikili barədə məlumat verərək bildirib ki, Diri baba türbəsi 1402-ci ildə Qobustanın Şimal-Şərqində, Şirvanşahlar dövlətinin 34-cü hökmdarı Şirvanşah Şeyx İbrahim tərəfindən inşa olunub. İkimərtəbəli türbənin hündürlüyü təxminən 7 metrdir. Orijinal memarlığı, tikinti kompozisiyasının təkraredilməzliyi və qayalıqda ucaldılmasına görə bu abidə Azərbaycan memarlığı tarixində xüsusi yer tutur.

Tarixçi Çingiz Babaşov isə burada aparılan tədqiqatlardan danışaraq deyib ki, türbənin içərisində olan qəbirin Məhəmməd Peyğəmbərin əmisi Əbul Əhəbin nəvəsi Hatəm İbn Əmrə aid olmasına dair müxtəlif fikirlər var. Bununla bərabər, bəzi araşdırmalara görə bu türbədə Şirvanşah Şeyx İbrahimin azançısı Pir Məhəmməd dəfn edilib. Rəvayətlərə görə, Pir Məhəmməd öldükdən sonra bədəni 300 il çürüməyib, bu səbəbdən abidə Diri baba türbəsi adlandırılıb.

Şirvanı qonşu ölkələrə bağlayan karvan yolunun yaxınlığında yerləşən Diri baba türbəsi bir çox səyyahların diqqətini özünə cəlb edib. XVII əsrin 30-cu illərində Qolştin səfirliyinin İran şahlığından elçisi Adam Oleari, holland səyyahı Kornelius Devrin və digər səyyahlar yol qeydlərində bu abidə haqqında məlumatlar yazaraq, türbənin şəkillərini də çəkiblər.

Bir çox yerli və xarici turistlərin yaddaşında tarixi abidə kimi qalan Diri baba türbəsi inanclı insanlar üçün müqəddəs məkana çevrilib. Hər il minlərlə xarici və yerli qonağın ziyarət etdiyi bu abidə dövlət tərəfindən qorunur.

Milli.Az

Məqaləyə dair fotomateriallar:

loading...

Şərh yaz:

8 Şərh:

  • Anonim
    QQ · 17 Noyabr 00:2430

    Pir Məhəmmədin nəşinin 300 il çürüməməsini nədən biliblər ki ? Məgər dəfn olunmayıb cənazəsi ? Yoxsa qazıntılardan sonra çürümədiyini görüblər .Maraqlıdır .

    Cavab yaz
  • Anonim
    . · 17 Noyabr 10:50110

    Diri bab yox bir zurna baba

    Cavab yaz
    • Anonim
      dagli qizi · 17 Noyabr 15:5820

      Ayibdir, daniwigivi bil...

      Cavab yaz
  • Anonim
    . · 17 Noyabr 10:5117

    Ozumuz oz dinimizi butlesdiririk.

    Cavab yaz
  • Anonim
    ... · 17 Noyabr 10:5216

    Diri babanin olu nenesi

    Cavab yaz
    • Anonim
      dagli qizi · 17 Noyabr 16:0010

      Ayib olsun, hec bilmirsende ne diyirsen...Bes adivin yerine niye ... qoyursan, neden qorxursan????

      Cavab yaz
      • Anonim
        . · 17 Noyabr 19:2200

        Men tek olan ALLAH dan qorxuram ne diri babadan nede olu baba menlik deyil.

        Cavab yaz
  • Anonim
    miris · 17 Noyabr 19:3400

    Ey insanlar Tek Olan ALLAH dan qorxun qalan hammi eyni insanlariq dogulub zamani catdiqdada oluruk

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.