Cəmiyyət

Günün qoroskopu: Bədxahlar sizə ziyan vura bilməyəcəklərini anlasalar da...

9 Noyabr 2019 00:01
9 Şərh     Baxış: 4 590

Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç -  aşkar və qaçılmaz sandığınız qərarların heç də hamısı doğru, vaxtında atılacaq addımlar deyil. Bunu əla anlayırsınız, amma ətrafınızdakı adamlar razı deyil. Onların fikirlərini dəyişmək üçün xeyli vaxt sərf etməli olacaqsınız. Emosiyaların əsiri olsanız, rəqiblər sizi üstələyəcək.
Alış-veriş, gəzinti üçün yaxşı gündür. İnteryer və yaşayış yeri ilə bağlı yeni ideyalar sizi tapacaq. Günün ikinci yarısı hədiyyələr ala bilərsiniz.

Buğa - alış-veriş etmək istəyən insanlar üçün uğurlu gündür. Aldığınız əşya işinizə yarayacaq və xərclədiyiniz pula heyfislənməyəcəksiniz.
Yeni tanışlıqlar istisna deyil. Tanış olmaq istədiyiniz insanın davranış və sözlərinə ciddi diqqət yetirin - aldana bilərsiniz.
Yeni işlərə ehtiyatla başlayın - axı onlar ilk baxışdan göründüyü təki sadə deyil. Fəqət bu gün maraqlı işlər beyninizi məşq etdirmək və yeni, böyük işə başlamaq üçün hazırlıq ola bilər.

Əkizlər - yaxın ətrafınızdakı insanlar üçün faydalı işlər görsəniz də, özünüzü yaddan çıxarmayın. Münaqişələrin aradan qaldırılması, anlaşılmazlıqların çözülməsi üçün uğurlu gündür.
Bəzi adamların addım və qərarlarını bəyənməsəniz də, qıcıqlanmayın. Sadəcə, həyatın qəribəliyi və insanların da müxtəlif olmaları barədə düşünün.
Bu gün müttəfiq axtarışları üçün əlverişlidir. Nüfuzlu tanışlar və etibarlı yardımçılar peyda ola bilər. Sizdən alınmış borcların bir qismi qaytarıla bilər. Gəlirlər də istisna deyil. Kredit almaq üçün müraciət etmək olar.

Xərçəng - bu gün hazır olmadığınız dəyişikliklər, qəfil hadisələr olacaq. Lakin narahat olmayın və təmkinli davranın. Səbrli olsanız, hər şey istədiyiniz kimi olacaq.
Yeni layihələrə başlamağa tələsməyin. Əvəzində çoxdan başladığınız işləri başa vurun, sonra isə bir qədər dincəlin. İfrat yük və zəhmət zərərlidir.
Günün ikinci yarısı qonaq qəbul etmək üçün yaxşı vaxtdır. Mühüm saydığınız məsələləri dostlarla müzakirə edin. Maraqlandığınız məsələlərə gözlənilməz cavablar alacaqsınız. Alış-verişi şər qarışana qədər edin.

Şir - bu gün işlər həddən ziyadə çoxdur və onların arasında vurnuxursunuz. Amma şikayətlənməyin - bütün işləri başa vurmalısınız. Özünüzə yardımçılar axtarın. Bütün işləri təkbaşına görmək istəsəniz - heydən düşəcəksiniz.
Yeni ideyaları həyata keçirin, yaxşı düşünülmüş eksperimentləri reallaşdırın və gün uğurlu olacaq.
Bu gün başlanacaq romantik münasibətlər parlaq, qeyri-adi olacaq. Artıq romantik münasibətlər varsa, həmin təmaslarda yenilik olacaq. Sevdiyiniz insanlarla səmimi olmaqdan utanmayın, istəkləriniz və gözləntiləriniz barədə açıq danışın.

Qız - enerjili, qətiyyətli, inadkarsınız. Sadalanan məziyyətləriniz bu gün sizi birmənalı olmayan situasiyalar, işdə həmkarlarınızla münasibətlərdə problemlərlə qarşılaşdıra bilər. Gələcəklə bağlı planlarınıza düzəlişlər etməyə imkan verən yeni informasiyalarr alacaqsınız.
Günün ikinci yarısında əhvalınız dəyişəcək. Daha sakit olacaq, aramla davranacaqsınız. İndiyədək sizə çox mühüm iş təsir bağışlayan işlər arxa plana keçəcək. Gözlənilməz, amma xoş təkliflərin alınması istisna olunmur.

Tərəzi - özünüzün və başqalarının problemlərinin həlli üçün əlverişli gündür. Mühüm işlərlə ikinci dərəcəli məsələləri qarışdırmayın, gərəkli məqamlara diqqət yetirin. Fəaliyyətinizin effektiv olmasına çalışın.
Gəlir əldə edə bilərsiniz.
Mübarizə istəyi güclü olduğundan düşünülməmiş addımlar atmayın. Lakin qətiyyətli mübarizəyə başlasanız, qələbə şansı az deyil. Bununla bahəm, sizə yaxın insanların hissləri barədə düşünün.

Əqrəb - ailə-məşiət qayğıları, ev üçün alış-veriş sizə problem yaratmayacaq.
Diqqətinizi ailə qayğılarına və evə yönəldir. Lakin ailə üzvləriniz izafi xərclər tələb edə bilərlər. Valideynlər çox yəqin ki, uşaqlarının təşəbbüslərinin xərcini çəkməli olacaqlar. 
Baş verənləri faciə kimi qəbul etməyin. Sadəcə, yaxın adamlarınız bu gün daha aktivdirlər.
Axşam saatlarında psixoloji problemlər yaşamağa cəhd göstərməyin. Gün uzun olsa da, artıq başa çatmaq üzrədir.

Oxatan - ailə və məişət qayğıları bu gün fikrinizi cəmləşdirməyə mane olacaq. Maliyyə imkanlarını yaxşılaşdırmağa şərait yarandığı halda ailə problemləri və həll olunmamış məsələlər sizin irəliləyiş sürətinizi aşağı salacaq. 
Müalicə və işlə bağlı problemlər yarana bilər. Eyni zamanda, yaxın adamla mübahisə də istisna deyil.
İş yoldaşınız, həkim, xidmət sahəsində çalışan adam sizə yaxşı məsləhət verə bilər.

Oğlaq - bu gün sizin üçün həddən ziyadə məhsuldar olacaq. Enerjili olmaqla yanaşı, məntiqlisiniz. İstəmədiyiniz işi sizə gördürə bilməyəcəklər. Tapşırıq nə qədər çətindirsə, onu bir o qədər şövqlə yerinə yetirmək istəyirsiniz.
Yeni tanışlarınız sizdən razı qalacaqlar.
İnsanlar barədə tələsik qərar verməyin, onlara diqqətlə baxın. Yeni münasibətlərin başlanması istisna deyil.

Lakin həmin münasibətlər istədiyiniz məcrada və formada inkişaf etməyəcək.

Dolça - kiçik problemlər və ətrafdakı insanlarla müəyyən anlaşılmazlıqlara rəğmən sakit olun, kefinizi pozmayın. Bədxahlar sizə ziyan vura bilməyəcəklərini anlasalar da, niyyətlərindən əl çəkmirlər. İş yerində vəziyyət pis olmayacaq. Yeni dostlar tapmağınız istisna olunmur.
Dostlar, yaxın insanlar, ailə üzvləri ilə səmimi ünsiyyət üçün əlverişli gündür. Ətrafdakı insanları anlamağa, onların istəklərini başa düşməyə çalışın. Şəxsi həyatınızla bağlı ciddi qərarlar qəbul edə bilərsiniz.
 
Balıqlar - bu gün yarana biləcək istənilən mürəkkəb situasiyalardan mütləq çıxış yolu tapacaqsınız. Əsla gözləmədiyiniz köməkçi və yardımçılar qəflətən peyda ola bilər. Planlaşdırılmamış gəlirlər də mümkündür. İş yerinin dəyişdirilməsi ilə bağlı təklif ala bilərsiniz. 
Yaxınlarınız və ailə üzvlərinizlə münasibətləriniz harmonik, rəvandır, asanlıqla güzəştə gedirsiniz. Romantiki görüş yaxşı keçəcək, xeyli təəssürat alacaqsınız. Sevimli insana xoş sürpriz etmək üçün əlverişli gündür.

Milli.Az

loading...

Şərh yaz:

9 Şərh:

  • Anonim
    Ulya · 9 Noyabr 02:571612

    Hər kəsə xeyirli, uğurlu həftə sonu...

    Cavab yaz
  • Anonim
    Ulya · 9 Noyabr 02:581112

    Torpağım üstünə kölgələr salan Mənim varlığımın cilası-bayraq. Zəfərdən doğulmuş Göytürkdən qalan Qurdbaşlı bayrağın balası bayraq. Üçrəngli bayrağın kölgəsində mən Qaraca torpağı vətən görmüşəm. Zəfər güllərini dövri-qədimdən Bayraq işığında bitən görmüşəm. Bayraq mənliyimdir, bayraq kimliyim, Bayraq-öz yurduma öz hakimliyim. Harda əcdadımın ayaq izi var, Bu zəfər bayrağım orda dikəlsin. Keçdiyi yerlərdə dağlar, yamaclar Onun hüzuruna salama gəlsin. Tarixdən qədimdir, zamandan qoca Mənim bayrağıma sancılan hilal. Aləmə nur saçdı tarix boyunca Məbədlər başına tac olan hilal. Daim ucalasan! Savaş günündə Əsgər silahıyla səni tən görüm. Yalnız zəfər çalmış şəhid önündə Səni alqış üçün əyilən görüm. Bəxtiyar Vahabzadə

    Cavab yaz
  • Anonim
    Ulya · 9 Noyabr 03:001012

    Türküstan yelləri öpüb alnını Söyləyir dərdini sana, bayrağım! Üçrəngin əksini Quzğun dənizdən Ərməğan yollasın yara, bayrağım! Gedərkən Turana çıxdın qarşıma, Kölgən dövlət quşu, qondu başıma! İzn ver gözümdə coşan yaşıma - Dinlətsin dərdini aha, bayrağım! Qayı Xan soyundan aldığın rəngi, Qucamış Elxanla, müsəlman bəgi. Elxanın övladı, dinin dirəgi, Gətirdin könlümə səfa, bayrağım! Köksümdə tufanlar gəldim irəli, Öpüm kölgən düşən mübarək yeri! Allahın yıldızı, o gözəl pəri, Sığınmış qoynunda Aya, bayrağım! Əhməd Cavad

    Cavab yaz
  • Anonim
    Ulya · 9 Noyabr 03:011012

    Buraxınız, seyr edəyim, düşünəyim, oxşayayım, Şu sevimli üç boyalı, üç mənalı bayrağı. Mələklərin qanadımı üzərimə kölgə salan? Nə imiş bu, aman Allah?! Od yurdunun yarpağı! Göy yarpaqlı, al çiçəkli yaşıl otlar topasımı? Xayır, xayır? Çiçək solur, otlar yerdə tapdanır. Fəqət bizim bayrağımız ucaları pək seviyor, Yulduzlardan hilaldan da yüksəklərdə fırlanıyor. Kölgəsində ay əyilib bir gözəli qucmada. Qucaşaraq sevdiyilə yüksəklərə uçmada, Şu görünüş bir ananın şəfqətinə oxşayor. Düşündükcə zövqlərimi, vicdanımı oxşayor. Bu ay, yıldız, boyaların qurultayı nə demək? Bizcə böylə söyləmək! Bu göy boya Göy Moğoldan qalmış bir türk nişanı, Bir türk oğlu olmalı! Yaşıl boya islamlığın sarsılmayan imanı, Ürəklərə dolmalı! Şu al boya azadlığın, təcəddüdün fərmanı, Mədəniyyət bulmalı. Səkkiz uclu şu yulduz da səkkiz hərli OD YURDU Əsarətin gecəsindən flirsət bulmuş quş kibi, Səhərlərə uçmuşdur Şu hilal da türk bilgisi, düzgün sevgi nişanı, Yurdumuzu qucmuşdur!

    Cavab yaz
  • Anonim
    Ulya · 9 Noyabr 03:021012

    Allah, əməllərim edib şu bayrağı intiqal, Birər-birər doğru olmuş, bir ad almış: İSTİQLAL! Yürəyimdə bir dilək var, o da doğru kəsilsin, O gün olsun bir göy bayraq Turan üstə açılsın. Cəfər Cabbarlı...

    Cavab yaz
  • Anonim
    Ulya · 9 Noyabr 03:031012

    Çırpınırdı Qara dəniz Baxıb Türkün bayrağına! "Ah!..." deyərdim, heç ölməzdim Düşə bilsəm ayağına. Ayrı düşmüş dost elindən, İllər var ki, çarpar sinən!.. Vəfalıdır gəldi, gedən, Yol vər Türkün bayrağına! İncilər tök, gəl yoluna, Sırmalar səp sağ, soluna! Fırtınalar dursun yana, Salam Türkün bayrağına! "Həmidiyyə" o Türk qanı! Həç birinin bitməz şanı! "Kazbek" olsun ilk qurbanı! Heyran Türkün bayrağına! Dost elindən əsən yellər, Bana şer, salam söylər. Olsun turan bütün ellər Qurban Türkün bayrağına! Yol ver Türkün bayrağına!!! Əhməd Cavad

    Cavab yaz
  • Anonim
    Zyuma · 9 Noyabr 12:5432

    Ulyacan ellerinize saglıq,..Bilmek isteyerdim dislike edenler neyi beyenmeyibler? Like ya dislike hec bir önemi yoxdu burda üreyinden gelenleri yazanlar ücün.. Sadece olaraq mene maraqlıdı ki beyenilmeyen nedir??? Elbette her kesin fikirlerine hörmetle yanaşıram..Bu gün Bayraq günüdür.. Ulya xanım da bu günün tentenesini bu cür şerle bildirib...Bu nece kimseye xoş gelmeye biler?? Qeribedir..

    Cavab yaz
    • Anonim
      Ulya · 9 Noyabr 16:5740

      Salam. Mən içimdən gələni paylaşıram, like, dislike maraqlı deyil mənə))) ona görə narahat olmağa da dəyməz...

      Cavab yaz
  • Anonim
    Zyuma · 9 Noyabr 12:5741

    Ulya canim menden size LİKE...Cox sağ olun ki bele vetenperver bir xanimsiniz...

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.