Cəmiyyət

Gülgünü vurub öldürən şəxslə bağlı ilginc faktlar - FOTO

21 Sentyabr 2019 21:16
7 Şərh     Baxış: 4 697

Xəbər verdiyimiz kimi, sentyabrın 17-i axşam saatlarında Nəsimi rayonu, Vaqif prospektində Ramal Məmmədov idarə etdiyi "Volkswagen Passat" markalı 10-GN-002 dövlət qeydiyyat nişanlı avtomobillə piyada zolağında yolu keçən -1994-cü il təvəllüdlü Əmiraslanlı Gülgün Saday qızını vuraraq öldürüb.

Milli.Az "qafqazinfo"-ya istinadən xəbər verir ki, məsələ burasındadır ki, Ramal Məmmədovun qəzanı törətdiyi maşınla təhlükəli manevrlər etməsiylə bağlı videolar da mövcuddur. O, məhz həmin gecə qırmızı işıqda keçərək məlum hadisəni törədib. Xoşbəxtlikdən hadisənin baş verdiyi an piyada keçidinin üzərində olan daha iki nəfər xəsarət almadan qəzadan yayına biliblər. Əslən Lənkərandan olan 28 yaşlı Məmmədov,  bank işçisi olub.

Mərhuma gəlincə, 2016-cı ildə Bakı Slavyan Universitetinin məzunu olan Gülgün Əmiraslanlı ali məktəbi bitirdikdən sonra özünü təkmilləşdirmək üçün fərqli zamanlarda ABŞ-da kurslar keçib. O, Azərbaycana qayıtdıqdan sonra Heydər Əliyev adına Beynəlxalq Hava Limanında "ASAN Viza"da çalışıb. Bir il öncə işə başlayan Əmiraslanlı, hadisənin baş verdiyi vaxt işdən qayıdırmış. Əldə etdiyimiz məlumata görə, Gülgün avtobusdan düşən zaman evdəkilərə zəng edərək, 5 dəqiqəyə çatacağını deyib.

Gülgüngil ailədə iki bacı, bir qardaş olublar. Əmiraslanlı özü isə subay imiş.

Qeyd edək ki, faktla bağlı Nəsimi rayon Polis İdarəsinin İstintaq Şöbəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanıb.

Milli.Az

Məqaləyə dair fotomateriallar:

loading...

Şərh yaz:

7 Şərh:

  • Anonim
    ...... · 21 Sentyabr 21:26190

    Adamın ürəyi parcalanır((

    Cavab yaz
  • Anonim
    darina · 21 Sentyabr 23:07110

    Allah rehmet elesin Amin.

    Cavab yaz
  • Anonim
    Esra Ibrahimli(Samaxi) · 21 Sentyabr 23:28121

    Qeseng de qizdi Allah rehmet elesin.

    Cavab yaz
  • Anonim
    Sevaaa · 22 Sentyabr 01:16100

    5deq catiram:(((( dogurdanda 5deq sonra basimiza ne geleceyini bilmirik

    Cavab yaz
  • Anonim
    Mmm · 22 Sentyabr 05:3980

    Ne gozel gizmish bele suruchuleri omurluk hebse gondermek yazig giz nakam gatdi heyatdan.allah rehmet elesin.

    Cavab yaz
  • Anonim
    $$$Yeraz · 22 Sentyabr 11:0640

    Allah Rehmet elesin. Hansisa zibile gore bu cur qiz heyatdan getdi((((

    Cavab yaz
  • Anonim
    Kim · 22 Sentyabr 11:2740

    Yaziq qizin heyatina son qoydu..alcaq.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.