Cəmiyyət

08.08.2018 tarixi Azərbaycanda toylara təsir edib?

8 Avqust 2018 14:02
6 Şərh     Baxış: 10 743

Adətən eyni rəqəmlərin ardıcıllıqla düzüldüyü gün insanların diqqət mərkəzində olur və əlamətdar gün hesab edilir. 08.08.2018 tarixi də belə günlərdəndir.

Cəmiyyətdə belə bir fikir var ki, guya bu gün toy və digər özəl günlər keçirənlərin sayı başqa günlərə nisbətən daha çoxdur. Səbəb isə insanların belə günlərə daha çox maraq göstərməsidir. Hətta toyunu məhz belə günlərdə, bu tarixlərdə etmək üçün uzun müddət gözləyənlər də az olmayıb və indi də var. Lakin məsələyə bu cür yanaşanların sayı deyəsən ötən illərə nisbətən azalıb. Bakının bir neçə şadlıq evindən aldığımız məlumatlar da bunu nisbətən təsdiqləyir.

Səadət Sarayından Milli.Az-a bildirilib ki: "Bu gün müraciət edənlər nisbətən bir az çoxdur. Lakin demək olar ki, digər günlərlə müqayisədə elə də ciddi bir fərq nəzərə alınmır".

"Neolit" şadlıq evindən Mİlli.Az-a bununla bağlı bunlar bildirilb: "Keçən il əlamətdar günlərdə toy etmək üçün müraciət edənlər indiyə nisbətən çox idi. Bu il isə belə müraciətlər çox az olub".

"Su Sonası" şadlıq evindən isə məsələ ilə bağlı qeyd edilib ki: "08.08.2018-ci il tarixi ilə bağlı toy etmək müraciəti qeydə alınmayıb. Demək olar ki, bizə müraciət edənlər içində belə günləri xüsusi nəzərə alan gənclərlə rast gəlmirik". 

Buradan belə nəticəyə gəlmək olar ki, cəmiyyətdə hələ də belə günləri əlamətdar sayan insanlar olsa da, ümumilikdə bununla bağlı fikirlər xeyli dəyişib.

Astroloqlar isə qeyd edir ki, bütün rəqəmlərin izahı var və bununla bağlı numerologiya elmi mövcuddur. "Numerologiya" latın sözü olub "numerus" rəqəm, "logos" elm deməkdir. Bu elmdə rəqəmlərin insan taleyində müəyyən rol oynadığına inanılır. Məsələn, neçənci ildə, ayda, gündə, bütün bunlar hesablanır, bölünür, çıxılır. Alınan rəqəmlər insanın hansı xarakterdə olduğunu xəbər verir. Burada da rəqəmlərin heç birini müqəddəsləşdirmək olmaz. Yəni, oxşar rəqəmlərin yan-yana düzülməyindən nəsə fövqəladə nəticə almağı planlaşdırmaq, fikirləşmək düzgün yanaşma deyil.

Sonda qeyd etmək lazımdır ki, rəqəmlərə mistik və ya xoşbəxtlik gətirən bir səbəb kimi baxmaq olmaz. İnsanlar xoşbəxt olmaq üçün bəhanə axtarırlar. İstəyir ayın 18-i olsun, istəyir 28-i, bunun insanların xoşbəxt və ya uğurlu-uğursuz olmasına heç bir təsiri yoxdur.

Afaq Rza
Milli.Az

loading...

Şərh yaz:

6 Şərh:

  • Anonim
    Qumru · 8 Avqust 14:0661

    Vallah gunu deye bilmerem. Amma menim toyum avqustun 4u 2015de olub, qaca qaca duwmuwduk,butun iwlerimiz ters gedirdi. Toya gedende yoldawim cola icdi ustune dagildi,amma indiye kimi 1 defe olsun mawin surende bele hadise olmayib, toyda da yemeyimiz batdi, cox iw geldi bawimiza. Reqs edende az qala ozum yixilacaqdim,kasetde de duwub hemin hisse. Bu il 3 ilimizi qeyd edirdik guya yene telem telesik oldu. Hemiwe getdiyimiz kafede yer olmadi,bawqa kafeye de getdik bawqa iwimiz cixdi. Niyese hemiwe toyumuzu qeyd edende telese telese alinir iwlerimiz. Amma esas odu can sagligi,xowbextlik olsun. Qalan her wey duzeler.

    Cavab yaz
    • Anonim
      Goranboylu_022 · 9 Avqust 10:5800

      Allah sizi və bütün ailələri xoşbəxt etsin. Amin. Sanki toy kasetinizə baxdım )))

      Cavab yaz
  • Anonim
    () · 8 Avqust 16:2130

    Gör indi nə qədər günahsiz uşaqlar bu tarixdə kesirlə olacaq.

    Cavab yaz
  • Anonim
    Esra Ibrahimli(Samaxi) · 9 Avqust 11:0521

    8 menim en sevimli uqurlu reqemimdi 18 oktyabrdada menim toyum olub 8 avqustda he verdi olub 1-ci masinin nomreside 898 olub Butun xatirelerim 8-le baqlidi ((((

    Cavab yaz
    • Anonim
      Heee ne gozel · 9 Avqust 11:5712

      fiquranda ele 8-e oxsayir )))) amma basinda 8 qram aqil yoxdu.

      Cavab yaz
      • Anonim
        Esra Ibrahimli(Samaxi) · 9 Avqust 12:1131

        Sende 8 yaza yaza her defe serhimin etrafinda dövre vurursan ay bedbextttttttt öllllləəəəə

        Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.