Cəmiyyət

Bakının “Azadlıq” meydanında ən iri yeraltı avtodayanacaq inşa olunur - FOTOSESSİYA

5 Sentyabr 2011 16:42

0 Şərh Baxış: 5 925

VTB-də minimal faiz dərəcəsi ilə nağd kredit 9.9%-dən

#AZERBAİJAN

Bakı şəhərinin "Azadlıq" meydanında yeraltı avtomobil dayanacağının tikintisinə başlanılıb. APA-nın məlumatına görə, iki mərtəbədən ibarət olacaq dayanacağın hər mərtəbəsində 1 300 olmaqla, ümumilikdə 2 600 nəqliyyat vasitəsi yerləşəcək. Hər mərtəbənin sahəsi 32,5 min kv. metr, dayanacağın ümumi sahəsi isə 65 min kv. metr təşkil edəcək.
Dayanacağa giriş-çıxış üçün 2 avtomobil və 2 piyada keçidləri tikiləcək ki, keçidlər Hökumət Evinin hər iki tərəfindən və Azadlıq prospektinə çıxacaq.

"Azadlıq" meydanı bayram, mərasim və hərbi paradların keçirilmə yeri olduğuna görə, meydanın möhkəmləndirilməsi də nəzərdə tutulur ki, ərazi böyük insan kütləsinin, eləcə də hərbi parad zamanı ağır hərbi texnikanın ağırlığına davam gətirsin.

Qeyd edək ki, "Azadlıq" meydanı ətrafında yeni metro stansiyasının tikintisi də nəzərdə tutulub. Yeraltı avtodayanacağın metro stansiyasının inşasına mane olub-olmayacağına gəldikdə, Bakı Metropoliteninin rəisinin müavini Arif Rəsulovun verdiyi məlumata görə, "Azadlıq" meydanında tikilən dayanacaq yeni stansiyaya heç bir maneçilik törətməyəcək: "Yeni metro stansiyası "Azadlıq" meydanından bir qədər kənarda - Dəniz Limanına yaxın bir yerdə inşa olunacaq və yeraltı avtomobil dayanacağının tikintisi stansiyanın inşasına heç bir maneə törətməyəcək".

Qeyd edək ki, yeni metro stansiyasının 2016-cı ildə istifadəyə verilməsi planlaşdırılır.

Milli.Az